AMMA NƏ QƏDƏR... BİLİNMİR
Sosial ipoteka üçün əlavə vəsaitin ayrılması nəzərdə tutulur. Bunu SalamNews-a Milli Məclisin deputatı Əli Məsimli bildirib.
Onun sözlərinə görə, bu məsələyə cari ilin mayında büdcənin dürstləşdirilməsi zamanı baxılacaq və sosial ipoteka üçün əlavə vəsait ayrılacaq. Amma bu vəsait nə qədər olacaq, bunu demək çətindir.
2012-ci il üçün ayrılan sosial ipoteka vəsaiti qurtardığından bu növ ipotekanın verilməsi dayandırılıb.
Deputat söyləyib ki, istər sosial, istərsə də digər ipotekaların mexanizminin sadələşdirilməsinə və bu prosesin daha da təkmilləşdirilməsinə ciddi ehtiyac var. Belə ki, ipoteka aztəminatlı vətəndaşlar üçün də əlçatan olsun. Yəni bu gün orta statistik azərbaycanlının orta aylıq gəliriliri 350-400 manat təşkil edir və belə adamlar da ipotekadan istifadə edə bilmirlər. Nəticədə problem yaranır.
O deyib ki, ipotekaya əlçatanlığı təmin etmək üçün ipoteka faizlərinin iki dəfə azaldılmasına, şərtlərinin yüngülləşdirilməsinəın və mexanizmin sadələşdirilməsinə ciddi ehtiyac var. Hətta hökumət bir sıra digər ölkələrdə olduğu kimi, sosial ipotekanı vaxtında ödəyən şəxslərə güzəşt maxanizmini tətbiq etməli və onların brclarının bir qismini üzərinə götürməlidir. Büdcənin dürüstləşməsi zamanı həmçinin SSRİ dövründə banklarda batmış əmanətlərin qaytarılması ilə bağlı vəsaitin ayrılması məsələsinə baxılacaq və əlavə vəsait ayrılacaq.
