İCRA BAŞÇISI ELDAR ƏZİZOVUN İŞ ADAMLARINA QARŞI “SƏLİB YÜRÜŞÜ”
DİA.AZ: - Sumqayıtda sahibkarlar dözülməz vəziyyətə düşüb. Şəhərdə uzun illər ticarətlə məşğul olan şəxslər yeni icra başçısının dözülməz şərtlərindən bezib. Bu barədə DİA.AZ-a müraciət edən bir qrup sahibkar artıq bu şərtlərdən müflis olduqlarını deyir. Sakinlər deyirlər ki, bir müddət əvvəl Sumqayıta yeni icra başçısı təyin olunan Eldar Əziziov təxminən bir aydan sonra şəhərdəki sahibkarları yığıb onların problemləri ilə maraqlanıb.
Sən saydığını say, gör başçı nə sayır
Sahibkarlar seviniblər ki, yəqin icra başçısı onların problemlərini həll edəcək. Amma, sonradan məlum olub ki, bu heç də belə deyil və yeni icra başçısı sahibkarları tanımaq, kimin kim olduğunu öyrənmək üçün bu taktikadan istifadə edir. Sahibkarlar deyir ki, icra başçısı ilə görüşdən təxminən bir ay sonra icra hakimiyyətinin işçiləri sahibkarlarla danışıqlar aparıb ki, onların mağazalarının ətrafı abadlaşdırılacaq. Sahibkarlar da buna sevinib. Amma onların bu sevinci çox sürməyib. İcra hakimiyyətinin bu abadlaşma siyasəti sahibkarlara baha başa gəlib. Məlum olub ki, icra başçısı Eldar Əzizov obyektlərin ərazisini sahibkarların hesabına abadlaşdırmaq niyyətindədir. Sakinlər deyirlər ki, icra başçısı əvvəlcə ərazini sahibkarların abadlaşdırmasını tələb edib. Bildirib ki, hər sahibkar öz obyektinin arxa və qarşı tərəflərini abadlaşdırmalı, obyektin fasadını yüksək səviyyədə təmir etdirməlidir. Sahibkarlar da bununla razılaşıb obyektlərinin təmirinə başlayıblar. Sakinlər deyirlər ki, onlar təmirə kifayət qədər vəsait də xərcləyiblər: В«Əvvəlcə başçı bizi qəbul edəndə dedi ki, guya bizə şərait yaradacaq ki, normal alver edək. Hətta demişdi ki, sahibkarlığa mane olan amilləri aradan qaldıracaq. Biz də sevinmişdik. Eldar Əzizov başçı təyin olunandan sonra Sumqayıtın inkişafına Prezidentin Ehtiyat Fondundan 10 milyon manat ayrıldı. Elə həmin vaxt da icra hakimiyyətinin işçiləri gəlib dedilər ki, guya ərazi abadlaşdırılacaq. Biz də buna sevindik. Amma, bilmədik ki, icra başçısı bizə daha da zülm edəcəkВ».
İlk qarət 5-10 min manatla başladı
Sahibkarlar bildirirlər ki, əvvəlcə öz hesablarına obyektlərin təmiri üçün ən azı hər sahibkar 5-10 min manat xərcləyib. Bu isə obyektin ərazisi, ətraf ərazilərin ölçüsündən asılı olub: В«Elə obyekt var ki, kiçik ərazidə yerləşir, həmin obyektin sahibi 3 min manat xərclədi,eləsi də var ki, böyük ticarət mərkəzi və ya biznes obyektidir, o obyektin sahibi bu abadlaşmaya minmum 8-10 min manat xərcləməli oldu. Yüzlərlə obyekt sahibi bu prosesdə məcbur edildi ki, ərazilər abadlaşdırılsın. Amma, iş bununla bitmədi. Əvvəlcə birinci təmirə etiraz da edirdik ki, imkana baxmadan icra başçısı bizim hesabımıza ərazi abadlaşdırır. Amma, sonra buna da şükür etməli olduq. Sən demə bizi daha böyük bəlalar gözləyirmişВ».
Sahibkarların təmiri Eldar Əzizovun xoşuna gəlməyib?
Sahibkarların dediyinə görə, ərazinin sahibkarlar tərəfindən abadlaşdırılması icra başçısının xoşuna gəlməyib. Əraziyə baxış keçirən icra başçısı həmin abadlaşdırılan ərazilərin yenidən sökülməsini tapşırıb. Sahibkarların sözlərinə görə, öz vəsaitləri hesabına abadlaşdırdıqları ərazilər icra başçısının sifarişi ilə darmadağın edilib: В«Mağazaların qarşısına döşənən daşlar çıxarılıb aparıldı, abadlaşdırdığımız yerlər traktorlarla dağıdıldı və sair. Hər yeri qazıyıb tökən icra başçısı mağazaları yeni stildə inşa etdirməyi tapşırdı. Hətta iş o yerə çatdı ki, icra başçısı tapşırıq verdi ki, sahibkarlar öz obyektlərini söküb yenidən tikməlidirlərВ». Bu prosesə razılaşmayan sahibkarlar icra hakimiyyətinin işçilərinə xəbərdarlıq ediblər ki, obyektlər söküləcəyi təqdirdə onlar etiraz aksiyalarına başlayacaqlar. Sahibkarların birləşməyindən ehtiyatlanan icra başçısı bir neçə obyekti sökdürəndən sonra işi dayandırıb. Sahibkarların qəzəbinə tuş gəldiyini görən Eldar Əzizov ticarətçilərlə başqa yolla danışmaq məcburiyyətində qalıb. Bunun üçün isə icra başçısı başqa üsul seçib. Bu üsul isə sahibkarlara baha başa gəlib. Sahibkarların dediyinə görə, icra başçısı təmir adı ilə sahibkarlardan xəbərsiz işə başlayıb və obyektlərin qapadılmasına göstəriş verib. Məlum olub ki, icra başçısı bütün ticarət mərkəzlərinin qarşısını şüşə çərçivələrə saldırır. Amma bu barədə nə sahibkarlardan pul yığılıb, nə də onlara hansısa bir təzyiqlər edilib. Sadəcə həmin ərəfədə sahibkarlar mağazalarını, obyektlərini bağlamaq məcburiyyəti də qalıb. Bu münvalla sahibkarlar iki aya yaxın işsiz qalsa da, səslərini çıxarmayıblar. Amma, iş bununla bitməyib. Ticarətçilərin dediyinə görə, icra başçısı təmirdən sonra yenidən sahibkarlarla görüşüb obyektlərini təmir olunmuş vəziyyətdə onlara təqdim edib . Bu da sahibkarları ürəkləndirib. Amma, yenə də az müddətə.
Sahibkarlara 30 min manat damğası və girovda qalan əmlak
Obyektlər istifadəyə veriləndən bir həftə sonra icra hakimiyyətinin nümayəndələri həmin sahibkarlardan təmirin pulunu istəyib. Bu pul isə, nə az, nə çox, elə təzə obyektin pulu qədər olub: В«İcra hakimiyyətinin işçiləri gəlib bildirdilər ki, bəs obyektində qalıb işləmək istəyən hər sahibkar təmirə görə 30 min manat verməlidir. Biz əvvəl anlamadıq ki, icra hakimiyyəti obyekti əlimizdən alır, yoxsa öz obyektimizi bizə pulla satır. Elə Sumqayıtda 30-40 min manata normal obyekt almaq mümkündür onsuz da. Buna da etiraz edəndə artıq məlum oldu ki, konkret tapşırıq verib bu barədə. Elə çarəsiz vəziyyətə düşdük ki, həmin pulu ödəmək məcburiyyətində qaldıq. Çünki, pulu verməsəydik obyekt əlimizdən alınacaq və özümüz də şərlənəcəkdik. Məcbur olub razılaşmışıq.В» İndi sahibkarlar həmin pulu qazanmaq üçün min bir üsula əl atır. Onlarla sahibkar, mən də daxil olmaqla banklara mənzillərimizi girov qoyub, 30 min manat götürüb təmir pulunu ödədik. İndi 5 il mən o pulu ödəməliyəm, o vaxta qədər də ya öləm, ya qalamВ».
Nəsimi
