2010-cu il 1sentyabr tarixindəTəhsil Nazirliyininmüvafiq qərarı ilə lisenziyasıləğv olunmuş və bununla da fəaliyyəti dayandırılmış Moskva Dövlət Açıq Universitetinin(MDAU) Bakı filialı, eləcə də onun sabiq rektoru Muğan Adil oğlu Salahov barəsində redaksiyamıza bir sıra ilginc məlumatlar daxil olub.
Beləki, MDAU-nun uzun illər qanunsuz tələbə qəbulu ilə məşğul olduğunu, bu və digər bu kimi maxinasiyalardan əldə olunan gəlirlərin Muğan Salahov vasitəsilə milliyyətcə erməni olanşərikinə - adıçəkilən universitetin Moskvadakı rektoru Eduard Afanasyeviç Saturyana göndərildiyini vurğulayan məlumatlı şəxsinsözlərinə görə, bir müddət öncə Salahov məhkəmənin qərarı ilə həbs olunsa da, bir qədər sonra azadlığa buraxıldı: «Bir müddət əvvələ kimi MDAU-nun erməni rektoru Eduard Saturyan Muğan Salahovu Moskvaya prorektor vəzifəsinə aparmaq istəyib. Lakin nədənsə bu iş baş tutmayıb. Çıxılmaz vəziyyətə düşdüyünü görən Salahov dərhal əlaqələrini işə salıb və qısa müddət ərzində Azərbaycan Memarlıq və İnşaat Universitetinə işə düzəlməyə müvəffəq olub». Azərbaycan Memarlıq və İnşaat Universitetinin rektoru, millət vəkili Gülçöhrə Məmmədovanın ermənilə iş birliyində olan şəxsə himayədarlıq etdiyini deyən mənbə bildirir ki, Muğan Salahov hazırda adıçəkilən universitetdə «Tikinti istehsalatının texnologiyası» kafedrasının müdiri, professor vəzifəsində çalışır: «Muğan Salahov Eduard Saturyanın əbədi və daimi şərikidir. Onlar arasında sıcaq münasibətlər var. Memarlıq və İnşaat Universitetinin rektoru Gülçöhrə Məmmədova da bunu billə-bilə Salahovu himayəsinə alıb, onu işlə təmin edib».
5 may 2009-cu il tarixdə «Respublika» qəzetinin 0963524 saylı buraxılışında səhifə 8-də Muğan Adil oğlu Salahovun şəxsiyyət vəsiqəsinin və digər zəruri sənədlərin Bakıda itirməsinə dair elanın verildiyini iddia edən məlumatlı şəxs MDAU-nun Bakı filialının sabiq rektorunun pasportunu saxtalaşdırdığını qeyd etdi: «10 noyabr 2009-cu ildə Kəlbəcər rayonunun Əsrik kənd icra nümayəndəsi Muğan Salahova 164 saylı bir arayış verib. Həmin arayışda qeyd olunub ki, Muğan Salahov Azərbaycan Dövlət Aqrar Universitetin 6 saylı yataqxanasının ətrafındakı evdə yaşayır. Qeyd edim ki, Muğan Salahovun şəxsiyyətini təsdiqləyən əvvəlki sənədində təvəllüdü 1941-ci il göstərilir. Lakin o, yaşını kiçiltmək üçün Göygöl Rayon Məhkəməsinə müraciət edib. Nəticədə məhkəmə hakim Mehdiyev Fikrət Ədilşah oğlunun sədrliyi, Tağıyev Cavid Tahir oğlunun katibliyi, maraqlı şəxs qismində çıxış edən Kəlbəcər Rayon Pasport Qeydiyyat Şöbəsinin müdiri Əmrahova Səyyarə Hüseyn qızının iştirakı ilə 17 dekabr 2009-cu ildə Mülki Prosessual Məcəllənin 216, 220, 227, 230, 233, 307, 311 və 360-cı maddələrini rəhbər tutaraq qərar qəbul edilib ki, Muğan Salahov 15 avqust 1944-cü ildə anadan olub. Məhz bu məqamda maraqlı bir sual ortaya çıxır: Görəsən, 72 yaşlı professorun doğum təvəllüdünü birdən-birə 3 il kiçiltməsinin arxasında nə dayanır?..»
Gülçöhrə Məmmədova Muğan Salahovun 60 illik yubileyinə Mixail Zabelini də dəvət edib
Muğan Salahovun rəhbərlik etdiyi filialdan hər il müəyyən yollarla topladığı pulları Eduard Saturyanla qardaş malıkimi bölüşdürdüyünü deyən məlumatlı şəxsin iddiasına görə, Moskva Dövlət Açıq Universitetinin Bakı filialında il ərzində 5-7 milyon dollar arası pul yığılıb: «Muğan Salahov da həmin vəsaitin 50 faizini erməni şərikinə göndərirdi. Qeyd edim ki, Saturyan məhz həmin pullardan Azərbaycanın əleyhinə istifadə edib.
Belə ki, o, 2010-cu ildə qondarma "Dağlıq Qarabağ Respublikası"na yardım məqsədilə keçirilən aksiyaya 500 min dollar ianə verib. Üzərindən bir müddət keçdikdən sonra Saturyan Muğan Salahovun göndərdiyi pullar hesabına qondarma rejimə 5 milyon dollar bağışlayıb. Görəsən, Memarlıq və İnşaat Universitetinin rektoru Gülçöhrə Məmmədovanın bütün bunlardan xəbəri varmı? Əgər xəbəri yoxdursa, o zaman bu yazıdan sonra məsələ ilə bağlı müvafiq tədbir görməli, ən azından Muğan Salahovu rəhbərlik etdiyi ali təhsil ocağından kənarlaşdırmalıdır. Yox, əgər xəbəri ola-ola Salahovu bu vəzifədə saxlayırsa, deməli, belə çıxır ki, Gülçöhrə Məmmədova açıq-aşkar Saturyanın şərikinə himayədarlıq edir. Bu arada, Memarlıq və İnşaat Universitetinin rektoruna bir sıra suallar ünvanlamaq istərdik: Gülçöhrə xanım, Muğan Salahov Memarlıq və İnşaat Universitetinə nə vaxt işə qəbul olunub, orada neçənci illlərdə işləyib? O, təqaüdə çıxanda 1941-ci il, yoxsa 1944-cü il adı ilə çıxacaq???!!!»
Gülçöhrə Məmmədovanın sabiq iqtisadi inkişaf naziri Fərhad Əliyevlə İnşaat Mühəndislər İnstitutunda «pravkom»da bir yerdə çalışdığını bildirən məlumatlı şəxsin sözlərinə görə, 2001-ci ildə Muğan Salahovun 60 illik yubileyi «Çanaqqala» restoranında qeyd olunub: «Bu isə bir daha onu təsdiqləyir ki, Salahov 1944-cü il, yox 1941-ci il təvəllüdlüdür. Onu da nəzərinizə çatdırım ki, Gülçöhrə Məmmədova həmin tədbirə Milli Məclisin "Azərbaycan-Rusiya” parlamentlərarası işçi qrupunun üzvü, Azərbaycanın rus icmasının rəhbəri Mixail Zabelini də dəvət etmişdi...» \ gundelik bakı \
Qarşı tərəfi də dinləməyə hazırıq.
