FƏRƏCOVA QARŞI FAKTLAR DANIŞIR
DİA.AZ: - Keçən günlərdə Abşeron sakini Ilahə Alıyevanın baş prokuror Zakir Qaralova müraciətini yaymışdıq. Həmin müraciətdə Ilahə Alıyeva Abşeron Rayon Icra Hakimiyyətinin Eldəniz Səfərov adlı əməkdaşı tərəfindən aldadıldığını bildirirdi. Şikayətçinin DİA.AZ-a yeni müraciəti daxil olub.
Həmin müraciəti olduğu kimi diqqətinizə təqdim edirik: “Hörmətli Redaksiya! Mənim Sizə müraciət etməkdə məqsədim Abşeron rayon İH-nin sabiq əməkdaçı Eldəniz Səfərov tərəfindən aldanaraq, mənə 1500 manat diplom ücün, 24 min manat isə əlillərə ayrılan evlərdən guya mənə 2 otaqlı ev, verəcəyini , 3min 700 manat isə guya eviə avadanlıq alınacağını vəd edərək məndən ümumilikdə 27 min 750 manat pul mənimsəyərək dələduzluq etməsi faktlarını diqqətinizə çatdırmaqdır. Lakin o verdiyi vədi yerinə yetirməmiş, “bu gün-sabah” deyə-deyə məni aldatmışdır.
Nəhayət mən aldadıldığımı başa düşdükdə isə mən ona zəng etdim pulumun geri qaytarılmasını tələb etdim. O məni rayon İcra başçısı ilə hədələdi. Mən Abşeron Rayon polis idarəsinə şikayət etdim. Eldəniz mənə zəng edib dedi ki, sən məndən şikayət etmirsən, sən rayon icra başçısından şikayət edirsən. Zakir deyir ki, əgər sən bu işin dalıycan düşsən, sənin uşaqlarını maşınla vurdurub, qardaşlarını tutduracağam, özünü də sürgün etdirəcəyəm. Yaxşısı budur ki, get evində otur. Yox əgər istəmirsən, get əlini hara hündürdür ora qoy.
Zakirə heç kəs bata bilməz. Onun arxasında Oqtay Əsədov durur. Onun qardaşı da deputatdır. O çox ciddi məmurların vaxtilə dizini yerə qoymuşdu.” Mən onun bu sözlərindən sona Rayon icra başçısı Zakir Fərəcovla görüşdüm. Məsələni ona danışdım. Ona vaxtilə Eldənizin mənimlə olan söhbətləti olan yazdığım səsin audio diskin surətini də ona verdim. Cünki mən onunla söhbətdə onun məni aldatdığını bildikdə mən sübut kimi o səsi yazmaq məcburiyyətində qalmışdım.
Zakir Eldənizi yanına çağırdı. Ondan məsələni soruşdi. O dizini yerə qoyub and –aman edəndə, mən diski Zakirə verdim . O səsə qulaq asandan sona onu otaqdan qovdu. Mənə dedi ki, qoy səsi araşdırsınlar. Əgər onun səsi olsa mən özüm onu tutduracğam. Polis İdarəsi səsi ekspertizaya təqdim etdilər. Bir aydan sonra səsin Eldənizə məxsus olduğu təsdiqləndi.
Prokurorun yanında oldum. O, Eldənizi dərhal həbs etdirməyə müstəntiqə göstəriş verdi. Lakin artıq 5 ay keçib. Eldəniz əlləri cibində gəzir, ona “qaşın üstə gözün var” deyən yoxdur.
Mən mütəmadi olaraq Prezident administrasiyasına, Prokurorluğa şikayət etməyimə baxmayaraq mənim şikayətlərimə baxan yoxdur. Prezident Aparatında düz 3 dəfə Zeynal Nağdəliyevin qəbulunda olmuşam. PA-da Abşeronun kuratoru Niyaz isə mənə dedi ki, mən Zakir Fərəcovun yerində olsam, səni məhkəməyə verərdim. Mən haqqımı tələb edirəm, Niyaz müəllim! Məhkəmələri əlinizdə dəyənək edib, yetim –yesirə güc göstərmək Sizlərin köhnə peşənizdir, Niyaz müəllim!!!! O pullar, mənim borc elədiyim, qəpik-qəpik banka ödədiyim yetimlərin puludur!! Mən düz 150 dənə ərizə PA-na, 100 dənə Prokurorluğun yeşiyinə atdım. Baş Prokurorluqda , Kamal Qılıncovun qəbulunda oldum.O ekspertizanın rəyini gördükdə qəbulda olan prokurorluğun Abşeronun kuratoru olan Yusifov Xəqaniyə, “niyə onu həbs etməmisiniz” dedi. Nə olsun ki!!! Mən maraq üçün PA-na yenidən zəng etdiim.! Ora göndərdiyim 150-yə yaxın ərizəmin taleyi ilə maraqlandıım. Mənə dedilər ki.o ərizələri Abşeron rayonu İcra başçısına göndərmişik.
Hörmətli Redaksiya! Azərbaycan Respublikasının Vətəndaşların müraciətlərinə baxılması qaydası haqqında qanununun, 7-ci, maddəsində ,”Müraciətə baxılma qaydasında” deyilir ki, şikayət ərizələri, şikayət edilən orqanlara və ya vəzifəli şəxslərə göndərmək qadağandır. Bəs bunu bilə- bilə niyə onlar belə edirlər? Ya savadsızdırlar,ya qanundan xəbərləri yoxdur, ya da qanunları ayaqqabı edib ayaqlarına geyinirlər. Eldənizin dediyi kimi, sənin görünür mən başımı başlara qoşmuşam. Mən Zakir Fərəcovun qəbulunda olanda o mənə demişdi ki, Namiq (ABŞERONUN RƏİSİ) müəllimə tapşıraram bu işi araşdırsın.
Əgər ekpert sən deyəni desə onda mən özüm onu həbs etdirəcəyəm.” Buyurun Ekspertin cavablarını sizə göndərirəm. Özünüz oxuyub nəticəsini də özünüz çıxarın,görün Abşeronda nələr baş verir. Mənə dedilər ki, Eldənizin arxasında DİN-nin İstintaq İdarəsi, bir də Rayon İcra başçısı durur, bu məsələ bu rayonda öz həllini tapa bilməz. Bunu mən öz şikatət ərizələrimdə dəfələrlə yazıb bildirmişəm.
Hörmətli redaksiya.!!! Mənim öhdəmdə azyaşlı 2 uşaq var. Özüm heç yerdə işləmirəm. Mən o pulu qırıq –qırıq toplayıb, borc edərək, Eldənizə vermişəm. İndi banklara borc ödəyirəm. Mən onun-bunun qapısında nökərçilik edərək, balalarımı saxlayıram. Eldəniz kimdir ki, mənim pulumu mənimsəyə.? Mən onu küçədə deyil, rayon İcra aparatında görüb pulumu vermişəm. Xahiş edirəm ki, ekspertizanın rəyini oxuyub özünüz nəticə çıxarın. Görün İcrada nələr baş verir.
Məni Azərbaycanda sürgünlə hədələyən Zakir müəllimə çartdırın ki, mənim pulum ödənilməzsə, mən özüm Azərbaycan vətəndaşlığımdan imtina edib buralardan gedəcəm. Sağ –soluna yerlilərini yığıb qoy bizi hədələməsinlər. O pullar yetimlərin boğazından kəsilən, mənim qapılarda qəpik-qəpik palaz yuyub, Banklara ödədiyim pullardır. Yetimlərin pulunu isə kim yesə, gec–tez qusacaq. Onlar Azərbaycanda qanunlara tüpürsələr də, Allahın cəzasından qaça bilməzlər.
Hörmətli Redaksiya.!! Xahiş edirəm mənim ərizəmi içtimailəşdirəsiz.Qoy onların tələsinə başqaları da düşməsin. Mən o disk ,audio yazını da sizlərə təqdim edəcəm”.
DİA.AZ bildirir ki, artıq həmin disk əlimizdədir və keçən günlərdə stenoqramını da diqqətinizə təqdim etmişdik. Həm həmin audioyazını və həm də saxta diplomun surətini, eləcə də digər bu kimi faktları yaxın günlərdə nəzərinizə çatdıracağıq. Bizi izləməkdə davam edin.
Qarşı tərəfin də mövqeyini işıqlandırmağa hazırıq...
