Sözügedən ərazi Yeni Məhəllə adlansa da, bu sakinlər Goranboy rayonunun Dəliməmmədli qəsəbəsindən yeni yaşayış massivinə illər öncə köçüblər. Zamanla özləri üçün şərait qurmağa çalışan bu insaların ən böyük problemi içməli sudur. Yaşayış massivində içməyə si tapılmır. İnsanlar yay-qış demədən əllərində arabalarla su daşıyır, ya da su maşınlarının nə zaman gələcəyini gözləyirlər.
Sakinlərin sözlərinə görə, içməli su problemini həll etmək üçün döymədikləri qapı, müraciət etmədikləri qurum qalmayıb. Hətta rəsmilər gəlib problemlə yerində tanış olaraq vəd də veriblər. Amma nəticə yoxdur.
Problem yaşayış massivinin təxminən 5 küçəsini, daha dəqiq desək 300-dən artıq sakinin yaşadığı ərazini əhatə edir. Deyirlər ki, vaxtı ilə bəziləri şəxsi vəsaitləri hesabına evlərinə su çəkiblər. Sakinlərin öz hesablarına çəkdirdikləri su xəttlərinə sayğac da qoyulub. Lakin sonradan o xətt kəsilib.
Yaşayış massivinin tam yaxınlığında isə əkin sahələri və subartezian quyuları var. Amma şəxsi olduğundan istifadəyə icazə verilmir.
Sakinlərin iradları ilə Goranboy rayon Sukanal İdarəsi razılaşmır. Belediyye.net olaraq aidiyyatı quruma üz tutduq. Bizə məlumat verildi ki, İdarə Yeni Məhəllə adlanan yaşayış massivinə xidmət göstərmir. Buna baxmayaraq əhalini suya olan ehtiyacl nəzərə alınaraq məhəlləyə bir ədəd yeni subartezian quyusunun qaızlması ilə bağlı Azərsu ASC-ə məlimat verilib. Cavab gəldikdə yaşayış massivində subartezian quyusu qazılacaq, bu da problemi həll edəcək.
Ümid edək ki, aidiatı qurumlar səbri tükənən sakinləri bir neçə il də gözlətməz.
