Azərbaycanda məhkəmə sisteminin hansı durumda olması ilə bağlı uzun-uzadı yazmağa, danışmağa heç bir ehtiyac və lüzum görmürük.
Çünki atalar demişkən, görünən kəndə, yaxud görünən dağa nə bələdçi.
Hər şey göz önündədir. Bunun sübuta-zada ehtiyacı yoxdur.
Təsəvvür edirsiniz, məhkəmənin birinci instansiyasının çıxardığı qərarı yuxarı məhkəmə instansiyası ləğv edir.
Amma bunun səbəbini soruşan olmur ki, birinci instansiya məhkəməsi hansı əsasla vətəndaşa qarşı belə ağır cəza müəyyən etmişdi və...
Və..nə möcüzə baş verdi ki, yuxarı instansiya məhkəməsi yüksək cəza alan vətəndaşı loru dildə desək açıb buraxdı.
Axı, müasir hüquq elminin olmadığı orta əsrlərdə heç belə hal olmayıb.
Belə olan halda gərək məhkəmə hakimləri cəza almalıdır.
Amma nə cəza-filan..?
Niyə Məhkəmə-Hüquq Şurası qətnaməsi ləğv olunan hakimdən soruşmur ki, sən hansı əsasla, dəlil-sübutla vətəndaşa ağır cəza vermişdin..?
Təsəvvür edirsiniz, neçə illərdir ki, Azərbaycan məhkəmələrinin qəbul etdiyi qərarlar üzvü olduğumuz Avropa Məhkəməsində ləğv edilir və...
Və üstəlik Azərbaycan dövləti hər dəfə ən azı 10-15 min dollar təzminat ödəməli olur.
Əgər hakim səhv qərar çıxarıbsa, nə üçün Azərbaycan dövləti təzminat ödəməlidir...?
Qoy, məhkəmə hakiminin özü qəbul etdiyi səhv qərara görə təzminat ödəsin.
Əgər bircə dəfə hakim təzminat ödəsə, bu hal başqa hakimlərə də dərs və ibrət olar.
Ümumiyyətlə, bəzi məhkəmələrin qəbul etdiyi qətnamələrin tekstinə baxanda adam dəhşətə gəlir.
Elə bil hansısa kənd mollası yazıb.
Biz məhkəmə qətnamələrindəki dilimizə uyğun olmayan ifadələri, orfoqrafik və sintaksis səhvləri kənara qoyuruq ee...
Söhbət məhkəmə materiallarının hüquqi məzmunundan gedir.
Dəfələrlə Rusiya istintaq orqanlarının, yaxud məhkəmələrinin materialları bizə göndərilib.
Vallahi adam oxuyanda məəttəl qalır və bizim uyğun sənədlərlə müqayisə edəndə görürsən ki....
İnanın adam sənədlərdəki savad və hüquqi məntiqə heyrət edir. Bizdə də həqiqətən də çox savadlı, araşdırma qabiliyyəti çox yüksək olan hakimlərimiz var. Məsələn, Yasamalda Hüseyn Səfərov, Suraxanıda Elnur Nuriyev, Nəsimidə Azər Tağıyev, Binəqədidə Abbas Rzayev, Sabunçuda Süleyman müəllim və bir çoxlarını göstərmək olar ki, onların çıxardığı qərar və qətnamələri oxuduqca adamda nə vaxtsa Azərbaycan məhkəmələrinin bütünlüklə ədalətli hakimlərdən ibarət olması qənaətinə gəlirik.
İndi isə qayıdaq mövzumuzun əsas hissəsinə.
Xatırladım ki, Millİ Məclisin üzvü, Böyük Quruluş partiaysının başqanı Fazil Mustafa parlamentin tribunasından birbaşa deyir ki, Azərbaycanda məhkəmə-hüquq sistemi FƏLAKƏTLİ vəziyyətdədir.
Unutmamalıyıq ki, normal məhkəmə-hüquq sistemi olmayan cəmiyyətdə dayanıqlı təminat sistemi ola bilməz.
Təsəvvür edin ki, hansısa əcnəbi biznesmen Azərbaycan iqtisadiyyatına 100 milyonlarla kapital-investisiya qoymaq istəyir, yeni iş yerləri açmaq istəyir.
Həmin əcnəbi biznesmen ilk öncə Azərbaycan məhkəmə sistemini araşdırır və görəndə ki, burada normal hüquq sistemi yoxdur, ölkəmizə nəinki yüz milyonlar, heç qara köpük də kapital yatırmaz.
Bütün bunları yazmaq da məqsədimiz odur ki, hamımızın hüquqlarını qoruya bilən ədalətli məhkəmə sisteminə ehtiyac var.
Azərbaycan dövlətinin qurucusu, Ulu Öndər əbəs yerə demirdi ki....
Dövlət iki məsələdə sarsılır, cinayətkar cəzasız qalanda və günahsız şəxs cəza alanda...
Cəzanı verən kimdir ?
Əlbəttə, məhkəmə-hüquq sistemi...
Gördünzmü, yuxarıda yazdıqlarımız sonda təsdiqini tapdı.
Söhbət Ulu Öndərin dediyi kimi, DÖVLƏTİN SARSILMASINDAN gedir...
Hələ bu sadaladıqlarımız harasıdır..?
İndi isə keçək konkret məsələlərə...
Deməli, tərəflərdən birinin etirazı əsasında məhkəməyə etiraz verilir və məsələ Apelyasiya məhkəməsinə göndərilir.
Yəni bu məhkəmə sisteminin adi qaydasıdır. Başqa cür də ola bilməz. Tərəflərdən biri hansısa səbəbdən, əsaslandıra bilsə ki, bu məhkəmənin işə baxması ədalətli və obyektiv ola bilməz və etiraz etsə...iş avtomatik olaraq Apelyasiya məhkəməsinə ötürülür. Bu qədər sadə bir qayda. Amma..
Əmması odur ki, başımıza gələnlər əsasında yazırıq ki, Ziraat Bank məsələsinə görə, daha dorğusu, bankın Azərbaycandakı filialının sabiq müdiri Avni Dəmirçi ilə bağlı məsələyə görə, Zəngilan Rayon Məhkəməsinin işə baxmasına etiraz etdiyimiz üçün iş Sumqayıt Apelyasiya Məhkəməsinə göndərildi. Hətta Sumqayıt Apelyasiya Məhkəməsi də etirazımızı normal qəbul edərək işin baxılmasını Şuşa Rayon Məhkəməsinə göndərdi. Və biz də tərəf olaraq buna etiraz etmədik.
Belə hallar dəfələrlə olub.
Növbəti halda Şirvanın keçmiş, Zərdabın indiki icra başçısı Mərdan Camalovla bağlı məsələyə görə, Nəsimi rayon Məhkəməsində mübahisənin 1-ci hissəsinin bizim xeyrimizə həll olduqdan sonra 2-ci hissə ilə bağlı məsələ Nəsimi rayon məhkəməsindən Zəngilan rayon məhkəıməsinə göndərildi.
Zəngilan rayon məhkəməsində əsaslı şəkildə yenidən etiraz etdiyimiz üçün iş Sumqayıt Apelyasiya Məhkəməsinə göndərildi.
Və Sumqayıt Apelyasiya Məhkəməsinin sədri Tofiq Paşayevin birbaşa göstərişi ilə iş yenidən Zəngilan rayon məhkəməsinə qaytarılıb.
Biz yazırıq ki, Zəngilan rayon məhkəməsində bizimlə sədr arasında narazılıq var, işə obyektiv baxıla bilməz və s...
Tofiq Paşayev isə işi yenidən Zəngilan rayon məhkəməsinə qaytarır.
Bəlkə Zəngilan məhkəməsində bizim işimizə baxan 2-ci hakim Fransadan, yaxud Almaniyadan gələcək..?
Axı, biz əsaslı olaraq Zəngilan məhkəməsinə etiraz etmişik.
Bəs görəsən, Tofiq Paşayev işi yenidən Zəngilan məhkəməsinə qaytarmasını necə əsaslandıra bilər..?
Bunun bircə adı var: hüquqi NONSENS...
Bu məqamda Ədliyyə Naziri, Məhkəmə-Hüquq Şurasının sədri cənab Fikrət Məmmədovdan soruşuruq ki, Tofiq Paşayev bəlkə azərbaycan dilini başa düşmür, bəlkə qazax, qırğız dilində ona müraciət edək..?
Cənab Fikrət Məmmədov, axı, siz “ ədalət nazirisiniz “, Tofiq Paşayev də bilirsiniz də Məhkəmə-Hüquq Şurasının üzvüdür. Bəlkə bir yerdə bizim suallarımza cavab verəsiniz...
Bir də bu hakimlərə müxtəlif yerlərdən o qədər “zakaz” gəlir ki, hakimlər də bilmir neyləsinlər, loru dildə desək bağırdalaq olurlar.
Yazıda adı keçən Mərdan Camalovla bağlı bir məsələyə nəzər salmaq istəyirik.
Deməli, Prezidentin rəsmi saytı olan prezident.az saytında yazılıb:
Azərbaycan Respublikası Konstitusiyasının 124-cü maddəsinin II hissəsini rəhbər tutaraq qərara alıram:
Mərdan Talıb oğlu CAMALOV Zərdab Rayon İcra Hakimiyyətinin başçısı təyin edilsin.
İlham Əliyev
Azərbaycan Respublikasının Prezidenti
Bakı şəhəri, 12 noyabr 2019-cu il.
Zərdab Rayon İcra Hakimiyyətinin saytında isə yazılıb:
Zərdab RİH-nin başçısı Mərdan Talıb oğlu CAMALZADƏ.
Deyəsən, Mərdan Camalov(zadə) Prezidenti də aldatmaq istəyir.
Qarşı tərəfin fikirlərini dərc etməyə hazırıq. //gundelik-baku.com//
