"Bu ilin may ayında kontakt home mağazalar şəbəkəsindən XİAOMİ markalı robot elektrik süpürgə almışıq. 3 gün sonra məhsulun kabeli partladı valideynim son anda uzaqlaşmasa idi bədbəxt hadisə də ola bilərdi..." "DİA-AZ" xəbər verir ki, bunu öz gileyində Bəylər Adıgözəlzadə adlı sosial şəbəkə istifadəçisi qeyd edib.
Narazı vətəndaş daha sonra bildirir: "Mən məhsulu 1 gün sonra apardım mağazaya və hadisəni izah etdim. Əməkdaşlar servisə göndərəcəyini və həll olunacağını bildirdilər hətta servisə getməzdən öncə 14 gün keçmədiyi üçün məhsulu geri qaytarmaq istədiyimi bildirdim heç bir problem olmadığını və servisin rəyi gəldikdən sonra geri qaytaracaqlarını bildirdilər. Uzun çəkən gözləmədən sonra ekspert rəy göndərdi və rəydə belə yazır " Cihazın 220 kabelində qüsur var". Bu rəyə əsasən də 30 azn kabel dəyişmə haqqını mənə ödətdirib məhsulu da qaytarmayacaqlarını bildirdilər. Mən dəfələrlə (20-30 dəfədən çox irad və təkliflər bölməsinə müraciət etmişəm) müraciət etməyimə baxmayaraq bu cümlədən başqa heç bir açıqlama verilməyib və məhsulu geri qaytarmayacaqlarını bildiriblər. Ən gülməli hal isə odur ki, may ayından kontakt home mağazasında qalan bu məhsula görə bizim adımıza gecikmə hesablanır. Yəni mütəxəssislər bildirir ki, məhsul sizdə olmasa belə pulunu ödəməlisiniz ödəmirsiz faiz hesablayırıq. Mən bu məhsulu istəmirəm kabeli 2 gündə partlayan məhsulu mənim səhvimmiş kimi geri qaytarmaq istəmirlər. Mən ailəmə valideynimə dəymiş zərəri qoymuşam bir kənara 1 aydan çoxdur *6060 ilə danışıram heç bir faydası da yoxdur. Hətta mən 30 azn cəriməni də qəbul etdim ki ödəyirəm kabeli dəyişin məhsulu istəmirəm, geri qaytarıram. Valideynim qorxub istifadə etmək istəmir yaşlı qadındı. Əməkdaşın biri mənə istehzalı şəkildə "Siz məhsulu qaytarmaq istəsəz belə kabelini dəyişdikdən sonra 14 gün keçmiş olacaq və qaytara bilməyəcəksiz" deyib zəngi beləcə sonlandırdı. Bu Kontakt Home mağazalar şəbəkəsinin özbaşınalığı saymamazlığı nə vaxta kimi davam edəcək?
Bu məsələni bacardığım qədər ictimailəşdirəcəm, bütün xəbər portalları rəsmi qurumlara müraciət edəcəm və məhkəməyə müraciət edəcəm..."
