SOCAR "Azəriqaz" İstehsalat Birliyində problemlər bitmək bilmir. Belə ki, elektron ünvanımıza Ağsu regional qaz istismar idarəsinin Ağsu rayon rəisi Quliyev Həbib Musəli oğlu haqqında şikayətlər daxil olub. Sözgedən şəxs 2020-ci ildə öz adamları vasitəsi ilə Ağsu regionda təhlükəsizlik şöbəsində mühəndis işindən Ağsu regional idarəsinin tabeliyində Ağsu rayonu üzrə xidmət rəisi vəzifəsinə gətirilib, ixtisasca şərabçı olsa da, qaz sahəsində çalışır.

"DİA-AZ"a daxil olan məlumatda iİddia olunur ki Həbib Quliyev Ağsuda qanunsuz işlərlə məşğul olub, sonra bir müddətlik İsmayıllı rayon rəisi vəzifəsinə göndərilib, orada mətbuata çıxan qanunsuz sayğac quraşdırılma işi ilə bağlı problemləri aşkarlanıb sonra onu yenidən Ağsuya qaytarıblar. Həbib Quliyevin İsmayıllı işi ilə bağlı Emil adlı işçi işindən ayrılıb. Hələ də o məsələ ilə bağlı istintaq gedir.

Həbib Quliyev Ağsuda işlədiyi vaxtda oğlu Quliyev Yusif onun tabeliyində işləyib, ata Quliyev isə oğlunun özü ilə bərabər işləməsini SOCAR rəhbərliyindən gizlədib əvəzində şiddətli töhmət alıb, oğlu atasını qorumaq üçün öz ərizəsi ilə işdən ayrılsa da, Quliyev Həbib "Azəriqaz" rəhbərliyini şantaj edərək məhkəmə yolu ilə oğlunu işə qaytarmağı bacarıb.

Belə ki "Azəriqaz" rəhbərliyi Həbibdən çəkindiyi üçün onun qarşısından geri addım atıb. Həbib Quliyev haqqında SOCAR rəhbərliyinə çoxsaylı şikayətlər getsə də, "himayədarları" vasitəsi ilə müdafiə oluna bilir. Yaşadığı rayonda özü və övladları ən çox işi hüquq mühafizə orqanlarına düşən adamdır. Oğlu Quliyev Yusif 2024-cü ilin sonu Kürdəmir rayonunda 30 sutka inzibati həbs olunmuşdur. Amma Quliyev öz oğlunun rəhbəri olduğu üçün oğlunu qoruya bildi, işdən çıxmasına və "Azəriqaz" rəhbərliyinin bunu bilməsinin qarşısını aldı. Həbib Quliyev haqqında iddia qanunsuz sayğac quraşdırma, qanunsuz arka çəkmə, istismardan çıxarılan boruları qanunsuz satma və digərləri...

Əlavə bilgilərimiz var. Bizi izləməyə davam edin...