"Şikayətim "Paşa sığorta"dandır. Əmlak sığortası etmişik. 14 fevralda sığorta hadisəsi baş verib, həmin gün əlaqə saxlanılıb, tələb olunan sənədlər qısa müddətdə təqdim olunub..." "DİA-AZ" xəbər verir ki, bu barədə "Müştəriyəm Şikayətim Var" sosial qrupundakı paylaşımda giley olunur.

Narazı vətəndaş daha sonra başına gələnləri belə nəql edir: "Məbləğ təsdiqlənib bildirildi. Artıq bir ay olub hələ də ödənişi yubadırlar. Hər dəfə zəng olunduqda hər əməkdaş bir qayda deyir. Sonuncu dəfə 3 gün öncə şikayətiniz qeydə alındı, sizinlə üç günə ərzində əlaqə saxlanılacaq deyilib hələ də əlaqə saxlayan yoxdur. PASHA Insurance əməkdaşlarınız qaydaları bilmir yoxsa hər zəngdə yeni bir qayda tərtib edirsiniz?

Ödənişi bir gün də olsun gecikməyən müştərinin nəyə görə müraciətinə qeyri peşəkar yanaşırsınız? Və sığorta hadisəsi baş veribsə məsələyə operativ baxılmalıdır düşünürəm.

Üstəlik də ev ipoteka olduğu üçün ABB - yə bir həftədən çoxdur sorğu göndərilib və hələ də cavab gəlməyib. Hörmətli, Azərbaycan Beynəlxalq Bankı , sizin təklifiniz olub Paşa sığorta ilə əməkdaşlıq etmək və bu halda əmlakımızın sığorta hadisələrinə qarşı etibarlı əllərdə olması şübhə doğurur.

Belə görünür ki, ABB və Paşa sığorta üçün müştəri məmnuniyyəti müqavilə bağlanana kimidir. Artıq heç kəsə tövsiyə etmirəm..."