"Mən, Salahova Zəhra, PAŞA Sığorta ASC tərəfindən müraciətimin qanunla müəyyən edilmiş müddətdə cavablandırılmaması ilə bağlı rəsmi şikayət etmək istəyirəm... necə edim?" "DİA-AZ" xəbər verir ki, bu barədə narazı vətəndaş "Müştəriyəm Şikayətim Var" sosial qrupundakı paylaşımında gileylənir.
Narazı vətəndaş daha sonra bildiri: "Avtomobilimin icbari sığortası ilə bağlı məlumat almaq məqsədilə *7000 qaynar xəttinə dəfələrlə zəng etmiş, cavab ala bilmədiyim üçün elektron poçt vasitəsilə rəsmi müraciət edərək tələb olunan sənədləri təqdim etmişəm. Lakin 2 ay müddətində müraciətim cavabsız saxlanılmışdır.
“Vətəndaşların müraciətləri haqqında” Qanuna əsasən müraciətlər 15 iş günü (maksimum 30 gün) müddətində cavablandırılmalıdır. Bu müddətin aşılması qanun pozuntusudur.Müraciətimin cavabsız qalması nəticəsində sığortanın bitmə tarixi barədə məlumat ala bilməmiş və 50 manat məbləğində cərimə olunmuşam dünən.
Mən hara müracïət edim? 102-yə yığım?.."
