Fəlsəfə Elmləri Doktoru Xatirə Quliyeva müraciətində bildirir ki, bacısı Sevinc Quliyeva ilə bir yerdə Qara Qarayev prospektində ailələrinə məxsus 150 kv-dən çox sahəsi olan obyektləri olub.

"DİA-AZ"ın məlumatına görə, Quliyeva bildirir ki, rəsmi şəkildə icazəsi olmaqla 10 il həmin obyektdən istifadə ediblər. Şikayətçi deyir ki "Qiyaslı Qrup MMC" tikinti şirkəti ilə 2022-ci ilin dekabr ayında razılığa gəliblər ki söküntü işləri getdikdə onlara məsxus obyektin tam ödənişini edəcəklər.

Vətəndaş iddia edir ki, onların xəbəri olmadan adıçəkilən şirkətin direktoru Hacıbala Abbasov saxta müqavilə hazırlayıb və onların mülkiyyətini mənimsəyib. Quliyeva bununla bağlı məhkəməyə müraciət etdiyini, lakin bu günə qədər bir nəticə əldə edə bilmədiklərini bildirir.

Xatirə Quliyeva iddia edir ki, Fərhad Ağayev adlı şəxs yüksək vəsifəli şəxslərə güvənərək insanların mülklərini mənimsəyir eyni zamanda böyük yaşıllıq sahələrini də məhv edərək yüksək mərtəbəli binalar inşa etdirirlər. O prezidentə və aidiyyatı qurumlara müraciət edərək bu məsələni araşdırıb, obyektiv qiymət verilməsini tələb edir.