SOCAR-ın vitse-prezidenti Ziba Mustafayevaya və Azər Məmmədova növbəti müraciətini ünvanlayan Neftçilərin Hüquqlarının Müdafiəsi Təşkilatının (NHMT) sədri, tanınmış hüquq müdafiəçisi Mirvari Qəhrəmanlı növbəti dəfə işçi gileyini ictimailəşdirib. "DİA-AZ" xəbər verir ki, "Bəs atasını qeyri-qanuni işsiz qoyduğunuz bu xəstə körpənin günahı nədir" deyə sual edən NHMT sədri adlarını çəkdiyi rəhbər şəxslərdən hesabat tələb edir.

M.Qəhrəmanlı yazır: "Nəzərinizə çatdırım ki üç azyaşlı övladım var 8 yaşı olan böyük qızım insulindən asılı ağır dərəcəli şəkər xəstəliyindən əziyyət çəkir... 2-ci qurup əlildir..."

Şikayətçinin müraciətində isə deyilir: "Mən Əhmədov Ruslan SOCAR Azəriqaz İB-nin Gəncə RQİİ-nin Göygöl XS-də telefonçu peşəsində calışırdım, mərkəzləşdirilmiş sistemə keçidlə bağlı dispetcerliyə test imtahanı vermişəm və Respublikada həmin sahə üzrə ən yüksək balı toplamışam 40 suala 40 doğru cavab. Rəhbərliyin xidmətimi qiymətləndirilməsində ən yüksək balı 5 qiymətini almışam. Əmək şəraitinin yaxşılaşdırılması məqsədi ilə idarəmizi öz vəsaitmlə əsaslı təmir eləmişəm. Bu yüksək balıma və fədakarlığıma baxmayaraq mənim yox məndən qat-qat aşağı bal toplayanların əmri gəldi. İmtiyazlı adı altında imtahansız işə götürdükləri şəxsin ()əlilliyi olan anası əmrdən 2 ay əvvəl rəhmətə getmişdir. Azəriqaz həmin şəxsin anasının ölümünə görə 1600m maddi yardım vermişdir. 2 ay keçdikdən sonra imtiyazlı şəxs adı altında onun əmrini vermişdilər, işdən sonra xəstə anasına qulluq edəcək, rəhmətə getmiş insana necə qulluq edə bilərki(). Azəriqaz İB kadrlar şöbəsinin rəisi Xəqani m onun muavini Murad müəllim mənlə görüşəndə verdikləri əmrin qanunsuz əmr olduğunu etiraf etmək məcburiyyətində qaldılar(). Bu saxta əmri verməkdə bu insanların nə idi marağı vəzifə səlahiyyətlərindən niyə sui istifadə edərək bu saxtakarlığa yol verdilər. Danışanda haqdan hüquqdan danışan insanların əməllərində hec bir qanun, haqq, hüquq, açıq-aydın görünmür..."