"SOCAR vitse prezidenti xanım Ziba Mustafayeva, Azəriqaz İB Baş direktoru cənab Azər Məmmədov. Təqaüd vaxtına bir il üç ay (1 il,3 ay) qalmış qadın işçini niyə işdən azad edib,övlada möhtac edirsiniz?Axı bu xanımın övladları sizlər kimi imkanlı, yüksək vəzifə sahibi deyil!" "DİA-AZ" xəbər verir ki, bunu Neftçilərin Hüquqlarının Müdafiəsi Təşkilatının (NHMT) sədri, tanınmış hüquq müdafiəçisi Mirvari Qəhrəmanlı özünün sosial şəbəkə hesabında paylaşaraq adları çəkilən səlahiyyət sahiblərini dərhal tədbir görməyə çağırıb.

M.Qəhrəmanlıya istinadla narazı "Azəriqaz" işçisinin müraciətini təqdim edirik:

"Mən Hüseynova Zəmidə Vəli qızı, SOCAR Azəriqaz İB -nin apardığı srtuktur dəyişikliyi ilə bağlı şikayətimi bildirmək isdəyirəm.

1985-ci ildə Gəncə Baza inşaat tehxnikumunun,qaz təssərrüfatı üzrə tehxniki ixdisası üzrə fərqlənmə diplomu ilə bitirmişəm.

1985-ci ildən ixdisas sahəm üzrə əmək fəaliyyətimə başlamışam.

Qaz təssərrüfatı üzrə 40 ilə yaxın əmək təcrübəm var, müxtəlif vəzifələrdə çalışmışam. Atam Böyük Vətən müharibəsi veteranı,həyat yoldaşım isə birinci Qarabağ müharibəsi veteranıdı.Yaşa görə əmək təqaüdümə çıxmağıma isə 1 il 3 ay qalıbdı.Hal-hazırda Azəriqaz İB Tərtər Regional Qaz İdarəsinin(RQQİ), Mingəçevir Xidmət sahəsi üzrə satış şöbəsində, texnik işləyirəm.

Mövcud srtuktur dəyişikliyi ilə əlaqədar olaraq, rayon və şəhər xidmət sahələri üzrə tehxnik ştatı ixtisara düşmüşdür.

Xatırladıram ki, Tərtər RQQİ rəhbəri Elmir Bayramovun qəbulunda oldum və bildirdiki heç bir narahatçılığa ehtiyac yoxdur, sizi iş ilə təmin edəcəyik.

Azəriqaz İB İnsan Resursları Şöbəsinin rəisi Xəqani Bəşirli, Tərtər regional qaz idarəsində olduğu zaman bildirdi ki, strukturda yerləşdirmə başa çatdıqdan sonra, vakansiya qoyularsa, yeni işə qəbul kimi imtahan verə bilərsiniz.

Eyni fikri Elmir Bayramov da təsdiqlədi.

Bu görüşdən bir neçə gün sonra, Tərtər RQİİ -ə çağrıldım və bildirdilər ki, əmək fəaliyyətinə xitam verilməsi ilə əlaqədar olaraq bildirişə imza atıb götürün. Mən isə bildirişi götürməkdən, imtina etdim və rəhbərliyə öz fikrimi bildirdim.

Tərtər Regional Qaz İdarəsinin insan resurslarının şöbəsinin rəisi Şahruz .M, Mingəçevir xidmət sahəsinə yazılı məlumat ataraq bildirib ki, mütləq şəkildə Tərtər RQİİ yaxınlaşıb, bildirişləri imzalayıb, götürməlisiniz.

Xatırladıram ki, bəs necə olur ki, Tərtər RQİİ -də tehxnik vəzifəsində çalışan, heç bir ixtisas əlaqəsi olmayan biri, texnik ixtisası üzrə imtahan verib, 10-cu dərəcəli mühəndis kimi, Tərtər RQİİ rəsmiləşdirilir??!.

Yazıb sizdən xahiş edirəm ki, yaşımı və səhhətimi nəzərə alaraq mənim iş ilə təminatımı Mingəçevir şəhərində işləməyimə yardımçı olasınız".