"Şikayətim Jetex.az kargo şirkətindəndir". "DİA-AZ" xəbər verir ki, bu barədə "Müştəriyəm Şikayətim Var" sosial qrupundakı paylaşımda giley olunur.

Narazı vətəndaş daha sonra bildirir: "16 avqustdan bəri bağlamalarım xarici anbardadır. Hər həftə (3-cü və 6-cı günlər) 2 dəfə reys olur. Əvvəl reysdə gecikmə olduğunu bildirib növbəti dəfədə göndəriləcəyini bildirdilər. Və belə-belə artıq 2 həftədir baglamalar göndərilmir. Anlamıram, itiriblər yoxsa nədir. Hər gün "bugün göndəriləcək" deyib yola verirlər. Və hətta sonuncu dəfə sanki ələ salırmış kimi göndərildiyini, artıq gömrükdə olduğunu, bu həftə ərzində təhvil ala biləcəyimi qeyd elədilər. Halbuki status hələ də xarici anbar göstərir. Dəyişən sadəcə reys tarixləridir. Bu şirkətlə artıq uzun müddətdir problem yaşayıram. Üstəlik filiallara çatdırılmanı da bahalaşdırıblar. Ona da sözüm olmadı. Çünki ünvanı sərf edir deyə. Amma artıq onunla yolları ayırmalı olacağam. Heç kimə də məsləhət bilmirəm. Işçiləri çox məsuliyyətsiz, qeyri-dəqiqdirlər. Antiinhisara mail göndərmişəm. Sabah da zəng edərək şikayətimi bildirəcəyəm".