Abşeron rayonu Masazır qəsəbə sakini Misir Əzizov rayon icra hakimiyyətinin başçısı Abidin Fərzəliyevə müraciət edərək ondan kömək istəyib. Bir nüsxəsi də "DİA-AZ"a daxil olan müraciətdə deyilir:
"Hörmətli cənab başçı. İlk əvvəl istədim ki, Sizi məlumatlandırım, çünki məcburam ki, əgər mətbuat vasitəsilə etdiyim bu son müraciət əvvəlki müraciətlərim kimi qulaqardına vurulacaqsa, üzləşdiyim problemlərə laqeyd yanaşılacaqsa, o zaman ölkə rəhbərliyindən kömək istəməli olacam.
Əslində qanunvericiliyə görə, hansısa vətəndaş özünə aid olan və bütün qanuni sənədləri yerində olan torpaq sahəsində inşaat işləri apara bilməsi üçün yerli icra hakimiyyətindən icazə almamalıdır. Bunu yaxşı bilsək də, məhz Abşeron RİH adından neçə müddətdir ki, mənim halal - çıxarışı olan torpağöımda mənzil şəraitimi yaxşılaşdırmaq məqsədilə yeni ev tikmə istəyim əngəllənir.
Cənab başçı. Qeyd etdiyim kimi, mən yaşadığım - əraizisində köhnədən inşa etdiyimiz evimiz olan və bütün sənədləri qaydasında olan torpaq sahəmdə yeni ev tikmək istəyirəm. Yəni hansısa yeni ərazi, yeni yaşayış yeri deyil. Amma nədənsə yerli icra nümayəndəsi buna imkan vermir və mən də çarəsiz qalaraq sonuncu dəfə bu özbaşınalığın, özbaşına müdaxilənin durdurulmasını xahiş edirəm.
Cənab başçı, xahiş edirəm mənim vətəndaş hüquqlarımın müdafiə olunmasına göstəriş verəsiniz.
Öncədən təşəkkürlər...
