"Hərbi prokuror Xanlar Vəliyev də sabiq ədliyyə naziri kimi Konstitusiya Məhkəməsinə hakim təyin olunacaq. 2023-cü ilin iyul ayından səlahiyyətləri ciddi şəkildə məhdudlaşdırılmış Konstitusiya Məhkəməsi “pensionerlər klubu”na çevrilir". "DİA-AZ" xəbər verir ki, bunu öz etirazında tanınmış hüquqşünas Əkrəm Həsənov qeyd edib.
O daha sonra Xanlar Vəliyevlə bağlı məqamın üzərindən başqa bir nüansa da işıq salıb: "Bunun üçün xüsusi olaraq bu məhkəmə hakimlərinin yuxarı yaş həddi də qanuna düzəliş edilərək bu günlərdə 70-dən 75-ə çatdırıldı.
Yaxşı olardı ki, Bakı Apellyasiya Məhkəməsinin sədri Mübariz Əkbərovu da tezliklə bu “klub”a göndərsinlər. Son zamanlar Bakı Apellyasiya Məhkəməsi kiçik işlərdə də (iri işlərdə bu, bütün məhkəmələrdə adi haldır) elə qanunsuz qərarlar qəbul edir ki (necə deyərlər, “daşdan çörək çıxarır”), onun yeri elə xırda-xuruş yeri olan həmin “klub”dur..."
