Qax rayonunun Turaclı kəndinin sakinləri yaşadıqları kənddə yerləşən və böyük Azərbaycan şairi Səməd Vurğunun adını daşıyan parkın və şairə qoyulan heykəlin baxımsızlığından şikayətçidirlər. "DİA-AZ" xəbər verir ki, bu paylaşımla çıxış edən sakinlər "Şairə hörmətsizlik etməyin... ya heykəli götürün, ya da heykəli bərpa edib parkı da abadlaşdırın" deyərək əlaqədar qurum və şəxslərə müraciət ediblər.
Sakinlərin müraciətində deyilir: "Səməd Vurğun parkı Qax rayonu, Turaclı kəndində sovet dövründən var. Amma indi məhz baxımsızlıqdan parkdan əsər-əlamət qalmayıb. Bütün yaşıllıqlar demək olar ki, quruyub. Dəfələrlə yerli icra orqanlarına, bələdiyyəyə müraciət etsək də, bunun üçün vəsaitin olmadığını deyirlər.
Amma park məhz baxımsızlıqdan məhv olur və olmaqdadır. Bunun üçün isə vəsait yox, heç olmasa Səməd Vurğun kimi bir şairin ruhuna hörmət lazımdır".
"DİA-AZ" parkdan görüntüləri təqdim edir:
