Uzun illərdir ki, ölkəmizdə AXCP sədri Əli Kərimli və antimilli qüvvələrin, eləcə də xaricdəki bir qrup milli satqın trolların dövlət əleyhinə olan çirkin fəaliyyətləri dövlət qurumlarında yüksək vəzifə tutan müəyyən şəxslər tərəfindən himayə və kordinə edilir.
Bu barədə fikirlər zaman-zaman gündəmə gəlib.

Çox təəssüf ki, ölkəmizdə davamlı olaraq xaos yaratmaq istəyən belə ünsürlərə qarşı mübarizə aparmaqda məsuliyyət daşıyan “toxunulmaz dövlət adamları” nəinki öz vəzifələrini yerinə yetirmirdilər, əksinə, bu qüvvələrlə gizli işbirliyində olaraq onlara hər cürə dəstək edirdilər. Hətta bu qüvvələr arasından müxtəlif sahələrə vəzifə başına da gətirilirdi. Diqqətçəkici məqamlardan biri də bu xamilyon cildindəki xəyanətkarlar Ramiz Mehdiyevin və onun “dövlət çevrilişi” silahdaşlarını tənqid edənlərə hücum çəkərək ictimai qınağın istiqamətini dəyişməyə çalışırlar. Bütün bunlara baxmamayaraq dövlətimizin müvafiq qurumlarının Ramiz Mehdiyev və onun silahdaşlarının hər cürə dəstəyi ilə qidalanan, sözdə guya Vətən və Dövlət deyib,əslində isə dövlətimizə və dövlətçiliyimizə,ən əsası Azərbaycanı dünyada qalib xalq kimi tanıdan Müzəffər Ali Baş Komandanımıza xəyanət edən sapı özümüzdən olan baltaların içüzlərinin açacağına və ifşa edəcəyinə inanırdı. Azərbaycan ictimaiyyəti çox yaxşı bilirdi ki, Dövlətimizin milli maraqlarına və dövlətçiliyimizə qarşı çirkin fəaliyyət göstərən bu qüvvələrin xaricdən dəstəyi olsa da, onların əsas dəstəkçiləri əksər hallarda Prezident Administrasiyasındakı yüksək məqamlardan qaynaqlanır. Azərbaycan ictimaiyyəti “Dəmir Yumruq” gec- tez bir gün də içimizdəki xəyanətkarların da cəzasını verəcəyinə əmin idi.
Həyatın dəyişməyən məntiqi kimi yediyi çörəyə haramlıq qatan və Heydər Əliyev siyasətinə və bu siyasəti ləyaqətlə davam etdirən İlham Əliyev siyasətinə xəyanət, təkcə nankorluq deyil, həm də haqqa xəyanət deməkdir.

Nəhayət ki, Səbail Rayon Məhkəməsi tərəfindən PA-nın sabiq rəhbəri Ramiz Mehdiyev barəsində qətimkan tədbiri göstərdi ki, ona qarşı ən ağır cinayət işi ölkədə xəyanətkar və nankorlar şəbəkəsi tərəfindən bulandırılmış suyu durultmağa başladı.
Bu mənada Hesab edirəm ki, bugün AXCP sədri Əli Kərimlinin evində axtarışın aparılması da PA-nın sabiq rəhbərinin Qalib Azərbaycana qarşı hazırladığı dövlət çevrilişi planının əsas tərkib hissəsidir.

Məlahət İbrahimqızı

Milli Məclisin deputatı, gununsesi.info