Martın 29-da “artsax xalqı” adlanan Qarabağdan köçmüş ermənilər arasındakı revanşist xislətli separatçılar İrəvanın Azadlıq meydanında böyük mitinq təşkil etməyi planlaşdırır.
Moderator.az xəbər verir ki, “Hraparak” nəşrinin yaydığı məlumatda deyilir ki, mitinqdə sosial məsələlərlə yanaşı, “artsax xalqı”nın fundamental hüquqları, xüsusilə “artsax”ın qaytarılması, Bakıda saxlanılan “hərbi əsir”lərin məsələsi və digər məsələlər qaldırılacaq.
“Artsax QHT-ləri, parlament qüvvələri və ayrı-ayrı şəxslərdən ibarət xüsusi şura yaradılıb. Bu günlərdə mitinqin ssenarisini müzakirə edirlər; kimlər çıxış etməlidir, hansı addımlar atmalıdırlar.
...Məlumat var ki, qarşıdan gələn mitinqdən əvvəl Paşinyan hüquq-mühafizə orqanlarının əməkdaşlarına növbəti “tut” əmri verəcək və bəzi artsax sakinlərinə qarşı cinayət təqibi ilə başqalarını qorxutmağa çalışacaq”, - xəbərdə belə deyilir.
