DİA.AZ: - "Hüquq və İnsan Haqları İnstitutunda özbaşınalıqlar davam edir". DİA.AZ bildirir ki, bunu Prezident İlham Əliyevə müraciət edən hüquq üzrə fəlsəfə doktoru, dosent Şəlalə Şakir qızı Həsənova qeyd edir.
Ş. Həsənovanın müraciətində daha sonra bildilir: "Hörmətli Cənab Prezident!
16.05.2023 –cü il tarixində Sizə və Azərbaycan Respublikasının Birinci vitseprezidenti xanım Mehriban Əliyevaya ünvanladığım müraciətə Hüquqi Ekspertiza
və Qanunvericilik Təşəbbüsləri Mərkəzinin icraçı direktoru Samir Mahmudov
tərəfindən cavab verilmişdir. Bu isə fikrimizcə mənim hüquqlarımın pozulması
deməkdir. Belə olan halda mübahisə tərəfi nə dərəcədə ədalətli cavab verə bilər?
Nəzərinizi catdiriram ki, cavab məktubunda qeyd edildiyi kimi öz xahişimlə
deyil, İnstitutun İdarə Heyətinin sədri Məhəmməd Quluzadənin tapşırığını icra
edən kadrlar şöbəsinin rəisi İsaməddin Xamoyevin göstərişi ilə əmək kitabçama
hər hansı bir əsassız maddə ilə ləkə düşməsin deyə 17.05.2023-cü il tarixində mən
də məcburən işdən azad olunmağım barədə başqa məcbur qalanlar kimi öz
xahişimlə ərizə yazdım.
Cavab məktubunda işəgötürən tərəfindən hüquqlarımın pozulmasını hesab
edirəmsə məhkəməyə müraciət etməyim təklif olunur. İnstitutun keçmiş əməkdaşı
iddiaçı Kazımova Elvira Rafiq qızının əsassız olaraq işdən azad edilməsi barədə
şikayətinə Yasamal rayon Məhkəməsində hakim Vahid Hacıyevin sədrliyi ilə
baxılmışdır. Elvira Kazımovanın sözlərinə görə İnstitutun kadrlar şöbəsinin rəisi
İsaməddin Xamoyev günahkar olduqlarını etiraf etmiş, məhkəmənin hakimi isə
məsələni əsassız olaraq qarşı tərəfin xeyrinə həll etmiş və iddiaçının müraciəti
(kompensasiya tələbi) təmin edilməmişdir. Belə olduğu halda hansı ədalətli qərara
inanıb məhkəməyə müraciət etmək olar.
Məktubda qeyd edilir ki, gələcəkdə uyğun vakansiya yarandığı təqdirdə
həmin vakansiyaya müraciət edə bilərsiniz. İşçiləri məqsədli şəkildə (Fərid
Ələkbərov) üzərimə salıb, məni öz xahişimlə işdən getməyə vadar edən Məhəmməd Quluzadənin yenidən işə qəbul etməsi absurddur.
Hüquqi Ekspertiza və Qanunvericilik Təşəbbüsləri Mərkəzində baş verən
özbaşınalıqlar yalnız əməkdaşların hüquqlarının kobud surətdə pozulması ilə
bitmir.
Azərbaycan Milli Elmlər Akademiyasının strukturuna daxil olan Hüquq və
İnsan Haqları İnstitutu hüququn ayrı-ayrı sahələri üzrə fundamental elmi
tədqiqatlar aparan, fəlsəfə doktoru və elmlər doktoru hazırlıgını həyata keçirən və
s. əlaqəli məsələlər üzrə fəaliyyət göstərən elmi müəssisə kimi mövcud olmuşdur.
Yuxarıda qeyd olunduğu kimi, Azərbaycan Respublikası Prezidentinin 19
may 2022-ci il (№ 1685) Fərmanına əsasən, AMEA-nın strukturuna daxil olan
Hüquq və İnsan Haqları İnstitutu Mərkəzin tabeliyində “Hüquq və İnsan
Haqları İnstitutu” publik hüquqi şəxsə çevrilməklə, hüquqi varisliyi, əmlakı,
hüquq və öhdəlikləri saxlanılmaqla yenidən təşkil olunmuşdur. Bu o deməkdir ki,
publik hüquqi şəxs kimi yenidən təşkil olunmuş “Hüquq və İnsan Haqları
İnstitutu” elmi müəssisə kimi saxlanılmışdır. Elə bu səbəbdən də Azərbaycan
Respublikası Nazirlər Kabinetinin “Azərbaycan Respublikası Prezidentinin 2022-ci
il 19 may tarixli 1685 nömrəli Fərmanının 6.3-cü bəndinin icrasını təmin etmək
məqsədilə” verilmiş 328 nömrəli 25 avqust 2022-ci il tarixli Qərarı ilə (surəti
əlavə olunur) Azərbaycan Respublikası Nazirlər Kabinetinin 2010-cu il 14 dekabr
tarixli 235 nömrəli Qərarı (Azərbaycan Respublikasının Qanunvericilik Toplusu,
2010, № 12, maddə 1117; 2011, № 9, maddə 853; 2013, № 7, maddə 883, № 10,
maddə 1232; 2014, № 1, maddə 57, № 6, maddələr 736, 752; 2015, № 4, maddə
455, № 8, maddə 967; 2016, № 5, maddə 955, № 6, maddə 1208, № 8, maddə
1435, № 11, maddə 1953; 2017, № 2, maddə 301, № 4, maddə 667, № 7, maddə
1494, № 10, maddə 1931; 2018, № 3, maddə 598, № 8, maddə 1798, № 9, maddə
1935; 2019, № 1, maddə 150, № 5, maddə 944, № 8, maddə 1463, № 12, maddə
2089; 2020, № 1, maddə 83, № 4, maddə 481, № 11, maddə 1412; 2021, № 6 (IV
kitab), maddə 674, № 10, maddə 1169, № 11, maddə 1281, № 12, maddə 1517) ilə
təsdiq edilmiş “Doktoranturalar yaradılan Azərbaycan Respublikasının ali təhsil
müəssisələrinin, elmi müəssisə və təşkilatların Siyahısı”nda dəyişiklik edilmiş,
“Hüquqi Ekspertiza və Qanunvericilik Təşəbbüsləri Mərkəzi” publik hüquqi şəxs
üzrə Hüquq və İnsan Haqları İnstitutu həmin Siyahıya daxil edilmiş və onun
tərkibində fəlsəfə doktoru və elmlər doktoru hazırlığı nəzərdə tutulmuşdur.
Beləliklə, Azərbaycan Respublikası Prezidentinin 19 may 2022-ci il tarixli 1685
nömrəli Fərmanına istinad edilməklə Mərkəzin tabeliyindəki Hüquq və İnsan
Haqları İnstitutunun elmi müəssisə olduğu bir daha təsdiq olunmuşdur. Lakin
təssüflə qeyd etməliyik ki, bundan sonra baş verənlərə Nazirlər Kabineti
səviyyəsində yol verilmiş saxtakarlıqdan, Azərbaycan Respublikası Prezidentinin
Fərmanına hörmətsizlikdən başqa ad vermək mümkün deyil. Belə ki, Nazirlər
Kabinetinin https://nk.gov.az/az/senedler/qerarlar elektron bazasına və Ədliyyə
Nazirliyi tərəfindən aparılan Hüquqi aktların Dövlət Reyestri elektron bazasına
yerləşdirilmiş 328 nömrəli 25 avqust 2022-ci il tarixli Qərar 26 avqustda nahardan
sonra Nazirlər Kabinetinin elektron bazasından, 28 avqustda isə Hüquqi aktların
Dövlət Reyestrindən çıxarılmış, bir müddət sonra onun yerinə Nazirlər Kabinetinin
həmin nömrə və həmin tarixlə olan başqa qərarı, yəni “İxrac nəzarəti haqqında”
Azərbaycan Respublikası Qanununun tətbiqi ilə bağlı olan 328 nömrəli 25 avqust
2022-ci il tarixli qərar yerləşdirilmişdir (surəti əlavə olunur).
Hal- hazırda Məhəmməd Quluzadənin işdə saxladığı əməkdaşlar nə savadları
ilə, nə iş təcrübəsi ilə işdən məcburi gedən əməkdaşlardan artıq deyillər.
İnstitutun keçirdiyi yeni il şənliyində Günay Əliyeva ştatlar bölünən ərəfədə
yeni il tədbirinə dəvət alan zaman “Allah Məhəmmədin bəlasını versin, axırıncı
bayramı olsun. Hansı həvəslə qalxım söylədi”. İnstitun əməkdaşı Qələndər
İsbəndiyarov müqavilələr bağlanılan zaman dəfələrlə İnstitutun İdarə Heyətinin
sədrinə zəng edib müddətsiz müqavilə bağlanması üçün təhdidlər edirdi. İnstitutun
İdarə Heyətinin sədrini (köpək oğlu, o kimdi mənlə müddətsiz müqavilə
bağlamasın deyərək) nalayiq ifadələrlə təhqir edirdi. Məhz bunun nəticəsində
institutda işləyən alimlik dərəcəsi olan işçilərlə deyil, yalnız Qələndər İsbəndiyarovla müddətsiz müqavilə bağlanıldı.
Carı ilin mart ayında institutun keçmiş əməkdaşı Sevinc Hüseynova, Qələndər
İsbəndiyarov və Fərid Ələkbərov arasında qısqanclıq zəminində mübahisə oldu.
Məhəmməd Quluzadəni təhqir edənlər, işdə məhəbbət məcarası yaşayanlar,
Qələndər İsbəndiyarov, Fərid Ələkbərov kimi işçilər qaldı, savadı, tərbiyəsi, illərin
təcrübəsi olan işçilər şər, böhtan, hədə ilə işdən uzaqlaşdırıldı.
Hüquqi Ekspertiza və Qanunvericilik Təşəbbüsləri Mərkəzi tabeliyində Hüquq və İnsan Haqları İnstitutu publik hüquqi şəxs respublikada hüquq elminin
inkişafına heç bir töhvə vermir. Bu institut yalnız təlimlər keçirməklə məşğuldur.
Hüquq sahəsində illərlə fəaliyyət göstərmiş, bütün ömrünü hüquq elminin
inkişafına, hüquqi tədqiqatlara həsr edən alimlər elm sahəsindən uzaqlaşdırılırlar.
Hal-hazırda respublikada, ölkənin əsas elm ocağı olan Azərbycan Milli Elmlər
Akademiyasında bütün elm sahələri ilə məşğul olan qurumlar olsada hüquqi
tədqiqatlarla məşğul olan bir qurum yoxdur.
Hörmətli Cənab Prezident!
Hüquq elmində əvəzsiz xidmətləri olan çoxsaylı alimlərin istəyini və ölkədə
hüquqi tədqiqatların aparılmasına olan ehtiyacı nəzərə alaraq bizə bu işdə yardımçı
olmağınızı Sizdən xahiş edirik".
İddia olunanlarla bağlı dia-az.life olaraq qarşı tərəfi də dinləməyə hazırıq...
