DİA.AZ: - Hələ keçən günlərdə xəbər verərək bildirmişdik ki, Naxçıvanda keçmiş Ali Məclis sədri Vasif Talıbovdan qalma köhnə komanda yeni rəhbərliyə - Prezidentin xüsusi nümayəndəsi Fuad Nəcəfliyə qarşı açıq-aşkar sabotajla məşğuldurlar ki, bunun da başlıca məqsədi hazırki hakimiyyəti gözdən salmaq, "XAN DÖVRÜ"nə nostalji yaratmaqdır.
Biz də bununla bağlı dia-az.life olaraq faktları təqdim etməkdəyik:
BİRİNCİ YAZI: Baş Nazir Prezidentin xüsusi nümayəndəsinə qarşı... - İLGİNC FAKTLAR
İKİNCİ YAZI: Baş nazirin Fuad Nəcəfliyə qarşı çıxardığı ORDU... - ŞOK ADLAR...
Bununla bağlı DİA.AZ-a göndərilən materiallardan belə aydın olurdu ki, bütün bu işlərin arxasında əsas olaraq hazırda Naxçıvanın baş naziri postunu tutan Səbuhi Məmmədov dayanır. İddiaya görə, bu prosesdə xeyli sayda yerli məmurlar da iştirak edir. Biz dia-az.life olaraq həmin məmurların siyahısını təqdim etmişdik. İndi isə yenidən həmin siyahını - ARTIQ TAM FORMADA diqqətinizə çatdırırıq. O səbəbə ki, Fuad Nəcəfli cənabları bu gün üzərinə gələcək... daha dəqiqi, gəlməkdə olan heyətlə yenidən tanış olsun.
Beləliklə, Səbuhi Məmmədov cənablarının başının dəstəsi... hansılkar ki təlimatı birbaşa olaraq Vasif Talıbovdan alırlar:
1. Naxçıvan Muxtar Respublikasının Dövlət İmtahan Mərkəzinin sədri Qəribli İsmayıl- Səbuhi Məmmədov Mərkəzi Bankın Naxçıvan MR idarəsinin rəhbəri olarkən köməkçisi işləmiş, həmdə də xalaoğlusu. İsmayıl Qəribli uzun illərdir Dövlət qulluğu haqqında Azərbaycan Respublikası Qanununa zidd olaraq Naxçıvan MR Nazirlır Kabinetinin saxta qərarları ilə imtahanlar keçirib, külli miqdarda dövlət vəsaitin mənimsənilməsində rəhbərlik edib. Bu şedevr İsmayıl Qəribli o mərtəbə tapılmaz adamdır ki, həm də Naxçıvanın saxta deputatıdır.
Məlumat üçün qeyd edək ki, hazırda Naxçıvan MR- də Azərbaycan Respublikası Dövlət İmtahan Mərkəzinin Naxçıvan MR Regional İdarəsi (qanunauyğun olaraq) və Səbuhi Məmmədovun “yaratdığı” Dövlət İmtahan Mərkəzi fəaliyyət göstərir. Bu haqda bir az sonra daha ətraflı.
2. Vüsal Sevdimalıyev- Naxçıvan MR rabitə və yeni texnologiyalar naziri. Bu nazir əsasən Vasif Talıbovun Naxçıvan zonasına elektron qaydada “sızmaq istəyən” Heydər Oğuzun səhifələri kimi səhifələrin bloklanması əməliyyatını həyata keçirib. Hazırda Fuad Nəcəfliyə qarşı sosial şəbəkələrdə videoçarxların hazırlanmasına rəhbərlik edir.
3. Nicat Babayev, hazırda Naxçıvan MR əmək və əhalinin sosial müdafiəsi nazirinin müavini-Səbuhi Məmmədovun həyasızlığının şah əsəri. Görün dövlət idarəçiliyində Səbuhi Məmmədovun qudurğanlığı hansı həddə çatıb ki, bir ay bundan əvvəl Nicat Babyev işdə yol verdiyi nöqsanlara görə nazir vəzifəsindən azad olunub, qısa vaxtan sonra isə yenidən həmin nazirliyə nazir müavini təyin olunub. Düşünə bilirsinizmi, Azərbaycanda naziri işdə yol vediyi nöqsanlara görə azad edirlər, sonra nazir müvini təyin olunur. Bu metodla dövlət idarəçiliyi olsa olsa ancaq mənfur qonşumuz Ermənistanda, bir də yazılmamış Səbuhi Məmmədovun qanunları olan idarəçilikdə istifadə oluna bilər. Nicat Babayevə Səbuhi Məmmədovun şəxsi marağının yüksək olmasının əsas səbəbi isə başqadır. Bu səbəblərdən bəzilərini sizə çatdırmaq istərdim. Naxçıvanda işsizlikdən söğorta fonduna yığılan vəsaitin Vasif Talıbovun quşçuluq fabrikinə, tikintilərinə köçürülməsini məhz Nicat Babayev təşkil edib. Şəhid ailələri və müharibə iştirakçılarını verilən evləri dövlət hesabına tikilmiş evlərdən verib, qeydiyyatda isə saxta şəkildə bəzi yaxın adamlarınıdan alınmış evlər kimi qeyd edilir.
Bu siyahınının ardını isə Səbuhi Məmmədovun cinayət yuvasına çevirmək istədiyi Naxçıvan Nazirlər Nazirlər Kabinetində davam etdirəcəyik.
Səbuhi Məmmədovun Naxçıvan MR Nazirlər Kabinetində qurduğu cinayətkar şəbəkə:
1. Bağırov Aləm -Aparat rəhbəri, Səbuhi Məmmədovun Maliyyə Nazirliyində işlədiyi dövrdə böyük maliyyə fırıldaqlarını və Naxçıvana ayrılan maliyyə dotasiyalarını Vasif Talıbovun “Naxçıvanbank”ı vasitəsilə gizlədilməsini və şəxsi hesablara köçürülməsini məhz bu şəxsin vasitəsilə həyata keçirib. Baş nazir vəzifəsinə keçdikdə isə Aləm Bağırovu Aparat rəhbəri vəzifəsinə gətirib. Aləm Bağırov həm də 2016-cı ildə bir ailənin iki üzvünü avtomobili ilə vurub öldürməsi ilə yadda qalıb.Qeyd olunan ölüm hadisəsini isə Atası Məhərrəm Bağırovun törətdiyi bildirərək hüquq mühafizə orqanlarını “aldadıb”. Həmin Məhərrəm Bağırov ki, uzun müddət Naxçıvan Şəhər Təhsil Şöbəsinin baş mühasibi olub, oğlunun Maliyyə Nazirliyində çalışdığına arxayın olaraq yüz minlərlə dövlət vəsaitini mənimsəyib. Maraqlıdır ki, oğurlanmış vəsaitlə də ölüm hadisəsini gizlədərək Aləm Bağırovun cinayət məsuliyyətindən yayınmasını və karyerasının inkişafını təşkil edib.
2. Qənbərov Zahid-İqtisadiyyat şöbəsinin müdiri. Səbuhi Məmmədovun Maliyyə Nazirliyindən Nazirlər Kabinetinə transfer etdiyi ən “güclü” kadr. Qənbərov Zahid maliyyə nazirliyində əsasən ƏDV-ni Azərbaycan büdcəsinə köçürülməsin qarşısının alınması və Vasif Talıbovun “Gəmiqaya” tikinti şirkətinə qanunsuz dövlət vəsaitin ayrılmasını təşkil edən xüsusi “mexanizmin” formalaşdırması ilə məhşurlaşıb. Hətda bu işləri gördüyünə görə Vasif Talıbov 2019-cu ildə Qənbərov Zahidi Ali Məclisi Sədrini Mükafatı ilə təltif edib.
3. Sevinc Cabbarova - Humanitar və sosial məsələlər şöbəsinin müdiri. Dövlət qulluğunda bir il belə stajı olmayan, məktəb müəllimi qədər biliyi olmayan bu qadın ancaq Səbuhi Məmmədovun şəxsi istəklərini lazımınca yerinə yetirdiyinə görə bu yüksək vəzifəni tutur.Bu mövzunu davam etdirmək etik olmadığına görə davam etdirməti lazım bilmirik. Sevinc Cabbarovanın “xidmətlərini” Naxşıvan şəhər sakinləri ətraflı bilir.
4. Qurbanov Nihad- Tikinti, sənaye və energetika şöbəsinin müdiri. Bu cavan oğlan da Səbuhu Məmmədovun Naxçıvanda həbs olunmuş Tikinti Komitəsini sədri ilə birlikdə külli miqdarda dövlət vəsaitinin mənimsənilməni təşkil edən kadrlarından biridir.
5. Bayramov Mübariz- Aqrar məsələlər və ekologiya şöbəsinin müdiri. Uzun müddətdir Nazirlər Kabinetində Vasif Talıbovun “uğurlu” siyəsətini həyata keçirən kadr. Bayramov Mübariz Səbuhi Məmmədovun Maliyyə Naziri olduğu müddətdə keçmiş Baş nazir Əlövsət Baxşıyevin məlumatlarını maliyyə nazirinə çatdırılması və Naxçıvanın kənd təsərrüfatına subsudiya kimi aydılmış dövlət vəsaitinin oğurlanması ilə məhşurdur.
6. Babyev Fərid- Ümumi şöbənin müdiri. Səbuhi Məmmədovun ən sevimli kadr olaraq Maliyə Nazirliyindən Nazirlər Kabinetinə gətirdiyi kadr. Bu adam Səbuhi Məmmədovun Naxçıvanın nazirlərindən, komitə sədrlərindən nağd şəklidə yığılan pullarının idarə edilməsi ilə tanınır. Naxçıvan MR Kənd Təsərrüfatı Nazirliyində son zamanlarda aparılmış yoxlama zamanı aşkar olunmuş yeyinti hallarından toplanan vəsaitlərin məhz bu şəxsə verildiyi qeyd edilmişdir.
Təkrar olaraq eyd edək ki, Səbuhi Məmmədovun cinayətkar dəstəsi Nazirlər Kabineti ilə məhdudlaşmır. Naxçıvanın İqtisadiyyat Nazirliyində, Hesablama Palatasında, yeni yaradılan “ASAN XİDMƏT” də çalışan militanları da Naxçıvanda dövlət vəsaiti ilə maaş alaraq Səbuhi Məmmədovun tapşırıqları ilə Azərbaycan dövlətçiliyinə qarşı vuruşmaqda davam edirlər. Çünki onların hələ də ümidləri var ki, Fuad Nəcəflini devirərək mənəvi ataları olan Vasif Talıbovu hakimiyyətə qaytaracaqlar və bu yolla Səbuhi Məmmədovun onlara göstərdiyi yüksək etimadı doğruldacaqlar
DİA.AZ-a danışan mənbə iddia edir ki, fuad Nəcəfli ilk olaraq məhz yuxarıdakı heyətdən qurtulmalıdır... Əks halda Naxçıvanda ona qalıb işləmək ÇOX ÇƏTİN OLACAQ və yaxud da o da elə növbəti Vasif Talıbova çevriləcək. Çünki yuxarıda adları çəkilənlər ƏYAN-ƏŞRƏFDİR... Onlar isə XANA nökərçilik etməyi bacarırlar... dövlətə yox!
Məsələ ilə bağlı dia-az.life olaraq bütün maraqlı tərəfləri dinləıməıyə hazırıq...
