Bakıda oğlan otelə apardığı qızın pullarını oğurlayıb.

Lent.az-ın məlumatına görə, hadisə Nərimanov rayonu Əhməd Rəcəbli küçəsində yerləşən otellərin birində qeydə alınıb.

33 yaşlı Nazim Qüdrətov münasibətdə olduğu qadınla həmin küçədə yerləşən otelə gedib. Burada gecə saatlarında qadına məxsus bank kartı vasitəsilə “Bolt Food” tətbiqi vasitəsilə sifarişlər verib. Sifarişlərin ümumi məbləği 210 manat olub. Zərərçəkən isə bundan xəbərsiz olub. Yalnız səhər yuxudan oyananda telefonuna gələn bildirişlər sayəsində kartından pulların çıxdığını bilib.

Kartından gizli pullar çıxdığı üçün narahat olan qız Abşeron rayon Polis İdarəsinə şikayət edib. Polis əməkdaşlarının gördükləri tədbir nəticəsində hadisəni törədən 33 yaşlı Nazim Qüdrətov saxlanılıb. Onun barəsində Cinayət Məcəlləsinin 177.2.3-1 (elektron məlumat daşıyıcılarından istifadə etməklə oğurluq törətmək) maddəsilə cinayət işi açılıb.

İstintaq zamanı zərərçəkənə dəymiş ziyan tam olaraq, qaytarılıb. Zərərçəkən qadın təqsirləndirilən şəxsi bağışladığını və ona qarşı şikayəti olmadığını bildirib.

Abşeron rayon Məhkəməsinin qərarı ilə Nazim barəsində 1 il 6 ay 8 gün müddətinə azadlığın məhdudlaşdırılması cəzası təyin edilib.