Gələcək fəaliyyəti sual altında olan Milli Şuranın sabah sessiyası keçiriləcək. Funksionerlərin sözlərinə görə, sessiyada Milli Şuranın gələcək fəaliyyəti barədə qərarlar qəbul olunacaq.
Hafta.az-a açıqlama verən politoloqların sözlərinə görə, Milli Şurada ciddi fikir ayrılıqları müşahidə olunur. Belə ki, üzvlərin bir hissəsi şuranın dağıdılmasının, digər bir hissəsi isə yeni üzvlərin cəlb olunması nəticəsində fəaliyyətin fərqli müstəvidə davam edilməsinin tərəfdarıdırlar. Müsavat Partiyası Milli Şuradan ayrıldıqdan sonra yaranan qarşılıqlı vəziyyət əsnasında politoloq Zəfər Quliyev, sabiq daxili işlər naziri İsgəndər Həmidov və son olaraq Müsavat Partiyasının üzvü Elxan Mehdiyev də şuranı tərk etdi. Ayrılmalara cavab olaraq AXCP sədrinin müavini Fuad Qəhrəmanlı mətbuata açıqlamasında şuraya yeni üzvlərin cəlb olunacağını bildirib:
“Milli Şuradan Müsavat Partiyası getdikdən və şəxslər ayrıldıqdan sonra yeni şəxslərin Milli Şuraya cəlb olunması nəzərdə tutulur”.
Ona cavab olaraq ADP sədri Sərdar Cəlaloğlu Hafta.az-a açıqlamasında Milli Şuranın buraxılmasının lazım olduğunu bildirib:
“Prezident seçkiləri başa çatdıqdan sonra dost kimi oturub Milli Şuranı buraxmaq lazım idi. Çünki Milli Şura seçkilər üçün yaradılmış bir konfiqurasiya idi. Ancaq Milli Şuranın üzvləri bunu dərk etmədilər”.
Şuranın sədri Cəmil Həsənli isə proseslərə təmkinlə yanaşaraq bildirir:
“Milli Şurada qalıb-qalmamaq hər bir partiyanın, hər bir fərdin qərarıdır. Hərə öz ürəyinin hökmü, qərarı ilə gəlmişdi, o formada da gedir”.
Ümumilikdə Milli Şura sabahkı sessiyaya gərgin mübarizələrlə gedir. Şuranın bundan sonrakı fəaliyyətinə sabah xitam veriləcək.
Hafta.az bu günə qədər şuranı tərk edən və çıxarılan üzvlərin siyahısını təqdim edir:
1. Asəf Quliyev - AXCP
2. Eldar Muradov - ALP
3. Hacı Abgül Süleymanov
4. Hacı Mövsüm Səmədov - İslam Partiyası
5. Lalə Şövkət – ALP
6. Zəminə Dünyamalıyeva - ACP
7. Solmaz Hüseynova – AXCP
8. İlham Hüseyn – partiyasız
9. Akif Şahbazov - partiyasız
10. Gülnarə Qurbanova - partiyasız
11. Rəsul Quliyev - ACP
12. Eldar Əliyev - ALP
13. Elman Məmmədzadə - ALP
14. Əvəz Temirxan - ALP
15. Hacıağa Dadaşov – ALP
16. Xurşud Abbasova - ALP
17. İlham Murtuzayev – ALP
18. İsmayıl Ələsgərli - ALP
19. Tofiq Kərimov – ALP
20. Vaqif Seyidzadə - ALP
21. Vurğun Əyyub - Müsavat Partiyası
22. Arif Hacılı - Müsavat Partiyası
23. Arzu Səmədbəyli - Müsavat Partiyası
24. Elxan Mehdiyev - Müsavat Partiyası
25. Gülağa Aslanlı - Müsavat Partiyası
26. İkram İsrafil - Müsavat Partiyası
27. İsa Qəmbər - Müsavat Partiyası
28. Qubad İbadoğlu - Müsavat Partiyası
29. Mehman Cavadoğlu - Müsavat Partiyası
30. Mustafa Hacıbəyli - Müsavat Partiyası
31. Novella Cəfəroğlu - Müsavat Partiyası
32. Osman Kazımov - Müsavat Partiyası
33. Səxavət Soltanlı - Müsavat Partiyası
34. Tofiq Hüseynov - Müsavat Partiyası
35. Vəfa Cümşüdlü - Müsavat Partiyası
36. Tural Abbaslı - Müsavat Partiyası
37. Tofiq Yaqublu - Müsavat Partiyası
38. Solmaz Ələsgərli - ACP
39. Elçin Manafov - İslam Partiyası
40. Hacı Rövşən Əhmədli - İslam Partiyası
41. Zəfər Quliyev “El” hərəkatı
42. İsgəndər Həmidov Milli Azadlıq Hərəkatı
43. Elxan Mehdiyev Müsavat Partiyası
