“Gəncə polis idarəsində bəzi məmurlann özbaşınalığına və xalqı incitməsinə son qoyulacağına əminəm"
Bir ay öncə Gəncə Şəhər baş Polis İdarəsi əməkdaşları tərəfindən həbs olunaraq Nizami rayon Məhkməsində barəsində 2 aylıq həbs qətimkan tədbiri seçilmiş “Qoçu” ləqəbli Qoca Quliyevin həyat yoldaşı İlhaə Quliyeva tərəfindən Azərbaycan Respublikasının Prezidenti İlham Əliyevə müraciət ünvanlanıb. İ. Quliyeva eyni zamanda həmin müraciətin surətlərini A TƏT-in Bakı ofisinin rəhbərliyinə, ABŞ səfirliyinə, Ombudsman Elmira Süleymanovaya və Moderator.az saytına göndərib. DİA.AZ olaraq müraciəti nöqtə - vergülünə toxunmadan oxuculara təqdim edirik:
Yazıb nəzərinizə çatdırıram ki, mən Quliyeva İlahə Bayram qızı 1969-cu ildə Gəncə şəhərində anadan olmuşam. Ali təhsilli müəlliməyəm. Üç uşaq anasıyam. Oğlum Qarabağ bölgəsində həqiqi hərbi xidmətdədir.
Həyat yoldaşım Quliyev Qoca Tofıq oğlu 1965-ci ildə Gəncə şəhərində anadan olub. Güləş üzrə SSRİ idman ustasıdır. Ali təhsilli mühəndisdir. 2009- cu ilədək Gəncə şəhər Təhsil İdman Mərkəzində direktor müavini vəzifəsində işləmişdir. Ağır şəkər və təzyiq xəstəsidir.
27 mart 2013-cü ildə işlədiyi kafenin yanına Gəncə şəhər cinayət axtanş şöbəsinin rəis müavini İlqar Şabanov gəlmiş, telefon vasitəsilə Qoca ilə danışmış, onunla görüşərək «Qardaşım şəhərə yeni rəis gəlib, ona kömək etməliyik, əgər səndə və ya kimsədə silah varsa gətir, təhvil verək, sənə kimsə toxunmayacaq, mən sənə zaminəm» söyləmişdir.
Xatırladım ki, İlqar Şabanov Gəncə şəhər BPİ rəisi Faiq Şabanovun qardaşıdır. Qoca «məndə silah nə gəzir» deyə təkzib etmişdir. Bildirməliyəm ki, Şabanov İlqar neçə ildir ki, GPİ-də işləyir və Qoca ilə yaxın münasibəti var. Telefon danışığının açıqlaması məndədir: 27.03.2013-cü il tarixi saat 21:03 radələrində.
28 mart 2013-cü il tarixdə Faiq Şabanovun xüsusi sifarişi ilə saat 15:00 radələrində Qoca Quliyev şəxsi avtomobili ilə Gəncə Mərkəzi Univermağın qarşısında dayanmış və telefon dükanına getmək istəmişdir. Bu zaman qara 07 və cip markalı avtomobildən düşən 10 nəfər naməlum şəxs tərəfındən, xalqın gözü qarşısında gözünə qaz püskürdülmüş başına qara torba keçirilərək, maşını ilə birlikdə GPİ-nə aparılmışdır. Bu hadisəni görən şəxslərdən biri mənə zəng etmiş və hadisə barədə xəbər vermişdir. Mən həmin dəqiqə düzgün məlumat almaq üçün GPİ-nə getdim və rəislə görüşmək istədiyimi bildirdim. Lakin polis işçisi Balakişiyev İlqar tərəfındən təhqir və təhditlərə məruz qaldım. O, Qocanın polis idarəsinə gətirildiyini təkzib edərək, «sən kimsən ki, rəislə görüşəsən, elə etmə ki, səni içəri basdırım» deyə məni hədələdi. Sonradan öyrəndim ki, O.Qocayev GPİ-nə gətirilib, stolun üstünə «TT» markalı köhnə tapança, heroin və 2 qumbara qoyulmuş, «bunlar sənindir, boynuna almalısan» deyə əlləri və ayaqları döyülərək əzilmiş, fıziki zor tətbiq edilmiş və yalandan böhtan atılmışdır. İncidilərək «silahı tapdım, təhvil verməyə gətirdiyimdə, məni tutdular» deyə zorla protokola imza etdirilmişdir.
Mütəşəkkil cinayətkarlığa qarşı mübarizə idarəsinin rəisi Rasim Qurbanov Qocaya «Bu yuxarıdan bizə verilmiş xüsusi göstərişdir, sən mütləq tutulmalısan» demişdir.
30.03.2013-cü ildə Nizami rayon məhkəməsinə gətirilmiş, sorğu-sualsız 228.1 maddəsi ilə cinayət işi başlanmış və haqqında 2 ay həbs qəti imkan tədbiri seçilmişdir.
Halbuki, o, silahın üzərində Qocanın barmaq izləri yoxdur və bunun üçün dəqiq ekspert təyin edilməsini Sizdən xahiş edirəm.
Q.Quliyevin vəkili 02.04.2013-cü il tarixdə Gəncə şəhər 2 saylı təcridxanasında olmuş, onunla görüşmüş, sağ və sol əlində, ayaq barmağında və boyun nahiyyəsində fıziki zor və işgəncə izlərini görmüş və təsdiqləmişdir. Aldığım məlumata görə hal-hazırda Qocaya qarşı GPİ tərəfındən təzyiqlər davam edir, əgər ona verilən işgəncə barədə şikayət edərsə, işinin içinə narkotik əlavə olunacağı bildirilmişdir.
Hörmətli Prezident!
Qoca Quliyevin hər zaman idmançılara dəstək olmuş, prezident seçkilərində fəal iştirak etmiş, cənab İlham Əliyevə dərin hörmət bəsləmişdir. Bizim ailəmiz cənab İlham Əliyevin daxili və xarici siyasətini bəyənir və dəstəkləyir.
Oğlum cəbhə bölgəsində Vətəni qoruyur. Mənim heç bir yerdən maddi köməyim yoxdur. Qoca şəkər xəstəsidir və mənim heç bir maddi imkanım yoxdur ki, ona həbsxanada baxım. Təcridxanada Qocanın təhlükəsizliyinin qorunması və bizim ailəyə atılmış ləkənin təmizlənməsi üçün Sizdən kömək istəyirəm.
Mən əminəm ki, xalqın müdrik prezidenti və onun xanımı üç uşaq anasına kömək əlini uzadacaq. Q.Quliyevin işinə düzgün baxılacağı və onun azadlığa buraxılması üçün Sizdən rica edirəm. Gəncə polis idarəsində bəzi məmurlann özbaşınalığına və xalqı incitməsinə son qoyulacağına əminəm.
Allah Sizi qorusun!
