"Şikayətim xarab məhsulları baha qiymətə satan dələduz, dələduzluğunu ört-basdır etmək üçün adını dəyişib Birmarket qoyan fırıldaq şirkətindəndir". "DİA-AZ" xəbər verir ki, bu barədə "Müştəriyəm Şikayətim Var" sosial qrupundakı paylaşımında Zöhrab Məsih adlı istifadəçi gileylənir.
Narazı vətəndaş daha sonra bildirir: "Aldığım, maya dəyəri 30 manat olan, mənə 90 manata satılan saat cəmi 14 gün işlədi və xarab oldu, işimlə əlaqədar 3 gün gec müraciət etdim deyə, saatı qəbul etmədilər.
Burda yazdıqdan sonra (35 manatlıq saatı 90 manata satmaları bir yana... - ETİRAZ VAR...) qəbul edib, guya bunlar təmiz iş görür imici yaratmaq üçün yalandan şikayətimə yenidən baxdılar.
Saatı götürüb 10 gün özlərində saxlayıb, bu gün (şənbə günü) yoldaşıma zəng edib deyiblər ki, kənar müdaxilə nəticəsində xarab olub guya... Halbuki, mən o saatı qolumdan çıxarmamışam və heç bir kənar müdaxilədən söhbət gedə bilməz.
Məsələmə baxılmasa, birinci gün "antiinhisar"a, ordan da məhkəməyə müraciət edəcəm. Mən xarab saat üçün kredit ödəməyəcəm. Saat da sizdədir... götürün... nə istəyirsiniz edin..."
