Bu ilin iyun və iyul aylarında xaricə gedən Azərbaycan vətəndaşlarının sayı 403,5 min nəfər təşkil edib.
Yeniavaz.com açıqlanan rəsmi məlumatlara istinadən xəbər verir ki, bu, ötən ilin eyni ayları ilə müqayisədə 22,2 min nəfər və ya 5,8 faiz çoxdur.
Belə ki, 2025-ci ilin iyun və iyul aylarında xaricə gedənlərin sayı 381,3 min nəfər olub.
Bu ilin iyun və iyul aylarında Gürcüstana səfər edən Azərbaycan vətəndaşlarının sayı isə 60,6 min nəfər təşkil edib. Ötən ilin eyni dövründə bu göstərici 44,4 min nəfər olub. Beləliklə, Gürcüstana gedənlərin sayı bir il ərzində 16,2 min nəfər və ya 36,5 faiz artıb.
Ümumilikdə, 2026-cı ilin iyun-iyul aylarında xaricə gedən Azərbaycan vətəndaşlarının təxminən 15 faizi Gürcüstana səfər edib. Ötən ilin eyni fövründə bu göstərici 11,6 faiz olub.
Məlumat üçün bildirək ki, 6 illik fasilədən sonra mayın 26-dan etibarən Bakı–Tbilisi–Bakı sərnişin qatarı fəaliyyətə başlayıb.