Təxminən 25 ildir əli Azərbaycan vətəndaşının cibində olan "Azərlotereya" ASC hər il bu niyyətini bir qədər də təkmilləşdirir. Qazandırırmı, bədbəxt edirmi? Ümumiyyətlə, qumar heç vaxt qazandırmır, rəsmi qumar isə... Bu artıq başqa məsələdir...

Bizimesr.az bildirir ki, yarım əsrin yarısı qədər Azərbaycanda tarixi olan Azərlotereya ASC-nın kağız parçalarından böyük pullar əldə edilib, əvəzində isə çox az faiz insan bundan qazana bilib. Bu illər ərzində çox az sayda insan gözəlim “Azərlotereya”nın şanslısı olub. Amma yüz minlərlə insan pulunu, həyatını, evini uduzub. Amma bu qumardır və ağlın var oynama...

Bəs insanlar niyə oynayır? Məcburiyyətdənmi? Bəlkə də hə, bəlkə də “Azərlotereya”nın tək tərəfli reklamlarının qurbanı olur. Telekanallarda, xəbər saytlarında, küçədə, hər yerdə “Azərlotereya”nın yalnız “Qazan” təbliğatı insanları aldada bilib və davam edir... Amma artıq əvvəlki sürətdə deyil, daha zəif, demək olar ki, 5-10 faiz...

Olduqca maraqlı məqamdır - daha “Azərlotereya” nə əvvəlki kimi qazanmır... Səbəblər aydındır: insanlar artıq “Azərlotereya” ala biləcək gücdə də deyil, üstəlik heç 5 faiz uduşa malik olmayan o balaca kağız parçalarına çox az adam inanır. Əslində bu, “Azərlotereya”nın uzun illər davam edən insanları aldatmasının acı sonluğudur.

Amma şirkət var gücü ilə yenidən - yeni reklamlarla, yeni “imkanlarla” - qumar bazarında yerini başqa oyunlara vermək istəmir. Maraqlıdır, qumarbaz qumar oynayandır, bəs qumarı oynadan kimdir? Qumarxananın sahibi?

Azərbaycanda Azərlotereya ASC-nin İdarə Heyətinin sədri Osman Karakuşdur. Deyilənə görə, bu sahəni yaxşı bilən adamdır, türk abimizdir... Qardaş ölkədə qəşəng pullar qazanır.

Bizimesr.az-a daxil olan məlumata görə, hazırda "Azərlotereya" ASC-nin gəlirlərinin niyə azaldığı araşdırılır. Hətta əvvəlki qaydaya uyğun - daha az uduşla daha çox qazanc əldə etməyin yeni yolları axtarılır. Qeyd edilir ki, şirkətin gəlirləri böyük faizlə aşağı düşüb və bu da gələcək üçün ciddi siqnal sayılır. Bu səbəbdən yeni reklamlar, yeni oyun modelləri üzərində düşünməyin vaxtı gəlib. Azərbaycanda qumar oyunçularını daha fərqli üsullarla bu sahəyə cəlb etməyin yolları araşdırılır.

Əsas məqsəd isə dəyişmir: "Azərlotereya"qazanmalırı, vətəndaş isə ağılı varsa oynamasın...