Azərbaycanda Ekologiya və Təbii Sərvətlər nazirləri 18 oktyabr 1991-ci ildən ölkədə müstəqillik elan edildikdən sonra seçilmişdir. Beləliklə, Azərbaycanın ekologiya və təbii sərvətlər nazirləri (müxtəlif dövrlər və müxtəlif titullarla) vəzifədə olmuşdur.

• 1991-ci il may ayının 23-də Azərbaycan Respublikası Dövlət Təbiəti Mühafizə Komitəsinin sədri Arif Mansurov seçilmişdir.

• 1991-ci ilin avqustun 5-dən, 1998 ci ilin 25 iyununa qədər Azərbaycan Respublikası Dövlət Geologiya və Mineral Ehtiyatlar Komitəsinin sədri Əkrəm Şəkinski vəzifədə olmuşdur.

• 1997-ci il oktyabrın 27-dən 1998-ci il oktyabrın 18-nə qədər və 2001-ci il may ayının 23-nə qədər Azərbaycan Respublikası Dövlət Ekologiya və Təbiətdən istifadəyə Nəzarət Komitəsinin sədri Əli Həsənov olub.

• 1992-ci il 21 iyuldan 1997-ci il 25 iyula qədər Azərbaycan Respublikası Dövlət Torpaq Komitəsinin sədri Cəmil Ünal seçilmişdir.

• 1997- cil il 25 iyuldan 1998-ci il 18 oktyabr və 1999-cu il 25 fevraldan 2001-ci il 18 aprelə qədər Qərib Məmmədov vəzifədə olmuşdur.

• 1992-ci il yanvarın 21-dən 1998-ci il oktyabrın 18-nə qədər Azərbaycan Respublikası Dövlət Hidrometeorologiya Komitəsinin sədri Zülfiqar Musayev olmuşdur.

• 2001- ci il aprelin 18-dən 2015-ci ilə fevralın 5-nə qədər Azərbaycan Respublikası Dövlət Torpaq və Xəritəçəkmə Komitəsinin sədri Qərib Məmmədov olmuşdur.

• 2001- ci il 23 maydan 2018-ci il 21 aprel tarixinə qədər Azərbaycan Respublikası Ekologiya və Təbii Sərvətlər Naziri Hüseynqulu Bağırov seçilmişdir.

• 2018-ci il 23 apreldən, yəni 2 gün sonra həmin vəzifəyə Muxtar Babayev seçilir və 2025-ci il fevral ayının 5-nə qədər vəzifəsini icra edib. 2025-ci il 5 fevral tarixində Prezidentin sərəncamı ilə Muxtar Babayev bu vəzifədən azad edilmişdir. Prezidentin digər sərəncamı ilə Muxtar Babayev Bakıda keçirilən COP29 tədbirindən sonra Azərbaycan Respublikası Prezidentinin iqlim məsələləri üzrə nümayəndəsi təyin edilib.

Qeyd edək ki, Muxtar Babayev 2024-cü il yanvarın 7-də Azərbaycan Respublikası Prezidenti İlham Əliyevin sərəncamı ilə Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29), Kioto Protokolunun Tərəflər Görüşünün 19-cu sessiyasının Paris Sazişinin Tərəflər Görüşünün 6-cı sessiyasının Prezidenti təyin olunub.

Hazırda rəsmi məlumatlar olmasa da, Azərbaycanda Ekologiya və Təbii Sərvətlər Nazirliyinin rəhbərsiz fəaliyyəti davam etdirilir. Bəzi mənbələrə görə yeni ekologiya və təbii sərvətlər naziri parlamentdən gətiriləcək. Həmin şəxs müasir yanaşmaları ilə seçilir və siyasi dairələrin etimadını qazanıb. Nazir postuna namizədin adı hələlik gizli saxlanılır.

Başqa bir versiyaya görə, hazırda nazirlikdə çalışan müavinlərdən biri rəhbərliyə gətirilə bilər. Bu şəxslər nazirlik sisteminə yaxşı bələddir və çevik idarəçilik təcrübəsi var.

Siyasi dairələrdə yayılan digər versiya sürpriz ehtiva edir. İddialara görə, tamam fərqli sahəni təmsil edən bir dövlət qurumunun rəhbəri nazirlik üçün nəzərdən keçirilir.

Bizimyol.info