Tanınmış hüquq müdafiəçisi, Neftçilərin Hüquqlarının Müdafiəsi Təşkilatının (NHMT) sədri Mirvari Qəhrəmanlı SOCAR İnsan Resursları Departamenti (İRD) tərəfindən törədilən növbəti qanunsuzluqla bağlı faktı ictimailəşdirib. "DİA-AZ" xəbər verir ki, məsələ ilə bağlı əlaəqdar qurum və şəxslərə xəbərdarlıq edən NHMT rəhbəri onları qanunlara riayət etməyə çağırıb.
M.Qəhrəmanlı bildirir: "Ölkənin əmək qanunvericiliyinə hörmətlə yanaşın cənablar!
İşçi müvafiq qurumlara müraciət etdiyi üçün ad, soyadını hələlik açıqlamırıq.
SOCAR İRD vakant yerə müsabiqə elan edir. Xanım müsabiqədən keçdikdən sonra onu Kadr ehtiyat bazasına (KEB) daxil edirlər. Bir il (!)gözlədikdən sonra nəhayət ki,ona bir idarəyə göndəriş verilir və idarə onunla bir illik (!) müvəqqəti Əmək Müqaviləsi bağalayır.Bir ildən (!) sonra işçiyə xəbərdarlıq edilir ki, müqavilə vaxtı bitdiyi üçün işdən azad olunursunuz.
Qeyd: Yəqin ki,həmin vəzifəyə yenidən masabiqə elan olunacaq və yenidən "bir illik"proseslərə rəvac veriləcək. Məqsəd nədir? Bunun açması nədir?
Ölkəmizin Əmək Məcəlləsinin "maddə 45.4" bəndində isə deyir ki,
-Əmək funksiyasının yerinə yetirilməsi şərtlərinə görə işin və ya göstərilən xidmətlərin daimi xarakterə malik olduğu qabaqcadan bəlli olduğu hallarda, bu Məcəllənin 47-ci maddəsinin f bəndi ( tərəflərin hüquq bərabərliyi prinsipinə əməl edilməklə onların qarşılıqlı razılığı ilə;)i ilə müəyyən edilən hallar istisna olmaqla, əmək müqaviləsi müddəti müəyyən edilmədən bağlanmalıdır..."
