Radikal təkfirçi, İŞİD ideoloqu Əlixan Musayev Azərbaycandan qaçıb.
Yenicag.az-a daxil olan məlumata görə, haqqında fəaliyyəti qadağan olunmuş Küveytin İslam Dirçəlişi Cəmiyyəti ilə əlaqəsi və şübhəli 10 milyon dollarlıq əməliyyatda iştirakına dair ilk yazının üzərindən beş-altı saat keçmədən ölkəni tərk edib.
Daxil olan məlumatda deyilir ki, Əlixan Musayev gecə Türk Hava Yollarının TK 337 reysi ilə saat 02.35-də Bakıdan qalxan təyyarə ilə İstanbula uçub.
Qeyd edək ki, həmin yazıda bu şəxsin ölkədən çıxa biləcəyi ehtimalının mövcudluğunu, Türkiyədə yaşayarkən də İngiltərəyə mühacirətə cəhd etdiyini vurğulamışdıq. Hazırda görünən odur ki, haqqındakı iddialar çıxar-çıxmaz ilk işi ölkəni tərk etmək olub.
