Kommersant.az xəbər verir ki, bankın öhdəliklər cəmində də azalmalar olub. Belə ki, “Bank VTB” (Azərbaycan)ın cəmi öhdəlikləri 186 milyon 789 min manat olub ki, bu da ötən ilin sonu ilə müqayisədə 29 milyon 323 min manat və ya 13.56 faiz azdır. Bu azalmanın 37.98 faizi depozit portfelinin payına düşüb. Bankın biznesmen müştəriləri 9 ay ərzində bankdakı vəsaitləriinin 17 milyon 866 min manatını geriyə çəkərək hüquqi şəxslərin depozitlərinin həcmini 26 milyon 239 min manata endirib. Bu, 9 ay əvvəl ilə müqayisədə 40.5 faizi deməkdir. Fiziki şəxslərdən topladığı əmanətlərin həcmini 6 milyon 728 min manat artıran “Bank VTB” (Azərbaycan)ın depozit portfelinə artım kimi təsir etməyib.

“Bank VTB” (Azərbaycan) üç rübün yekununda yığılmış zərərini 10 milyon 499 min manat və ya 4.84 faizini azaldaraq 206 milyon 197 min manata endirib. Ümumi ehtiyatlarını isə 9 milyon artıraraq 1 milyon 867 min manata çatdırıb. Nəticədə bankın kapital cəmi 10 milyon 499 min manat və ya 10.39 faiz artaraq 111 milyon 485 min manata yüksəlib.