Erməni jurnalistin Ermənistan hakim partiyasından olan deputatdan açıqlama götürən zaman “Paşazadə” soyadını işlətməsi nədənsə həmin parlamentüzvünü diksindirib.
Moderator.az xəbər verir ki, “Hraparak” nəşri bu barədə aşağıdakıları yazıb:
“Dünən Araqatsotn yeparxiyasının rəhbəri və bir qrup din xadiminin həbsi xəbəri də parlamentdəki hakim “Vətəndaş sazişi”(“VS”) partiyasının üzvlərini təəccübləndirib. Müşahidə etdik ki, iqtisadiyyat komitəsinin iclası zamanı “VS” deputatı Hayk Tsirunyan telefonunda xəbərləri oxuyur və bərəlmiş gözləri ilə yanında oturan Aleksandr Avetisyana işarə edərək nəsə pıçıldayır. Hayk Tsirunyan da KP-nin nəzarət orqanının üzvüdür, ona bir neçə sual verdik.
- Cənab Tsirunyan, Paşazadə...
- Yox, siz “Paşazadə” sözünü işlədirsiniz, mən də suallara cavab vermək istəmirəm...
- Bəs nədən istifadə etməliyəm? Mən sizin düşündüyünüz kimi, Paşinyanı nəzərdə tutmuram. Qafqaz Müsəlmanları İdarəsinin rəisi Allahşükür Paşazadənin açıqlamasını xatırlatmaq istədim.
- Oh!...
- Paşazadə iki gün əvvəl yenə də Erməni Apostol Kilsəsini “dağıdıcı təbliğat” yolu ilə sülh prosesinə zərbə vurmaqda ittiham edib. Bu “təlimat” Ermənistan hökumətinin kilsəyə son hücumudurmu?
- Bəs nə hücum, nə hücum... Mən hüquq-mühafizə orqanlarının əməkdaşlarının həbs tədbirinin bir insanın mənəviyyatı və ya hüquqi və ya iş adamı ilə əlaqələndirməzdim... Vətəndaş vətəndaş olaraq qalır, məncə, hansısa cinayət və ya qanunsuzluq edibsə, ona görə həbs olunub, ya da başqa səbəb var. Yəni mən fərq qoymuram və düşünmürəm ki, hər hansı bir din xadimi cinayət törədə bilməz. Gözümüzlə görürük ki, Gümrüdən olan din xadimi saxlanılır, ona görə də bunun heç bir əlaqəsi yoxdur...”
