Bu gün Dövlət Neft Şirkətinin (SOCAR) tabeliyində yeni hüquqi şəxslər yaradılacağı haqqında Prezidentin imzaladığı fərman böyük maraqla qarşılanıb.
Mia.az xəbər verir ki, Prezident İlham Əliyevin “Qaz təchizatı haqqında” fərmana əsasən, SOCAR qanuna uyğun olaraq, qazın nəqlini, paylanmasını, saxlanmasını, topdan satışını və idxalını, habelə pərakəndə satışını həyata keçirmək məqsədilə 2027-ci il yanvarın 1-nə qədər tabeliyində ayrı-ayrı hüquqi şəxslərin yaradılmasını, həmin hüquqi şəxslərdə mütərəqqi korporativ idarəetmə prinsiplərinin tətbiqini, o cümlədən onların müşahidə şuralarının yaradılmasını təmin edib dövlət başçısına məlumat verməlidir.
Maraqlıdır, bu, "Azəriqaz"ın ləğvi deməkdir?
Məsələ ilə bağlı Mia.az-ın əməkdaşı "Neftçilərin Hüquqlarının Müdafiə Komitəsinin hüquqşünas Azər Quliyevlə əlaqə saxlayıb.
- Azər bəy, qeyd edilən fərmanda nəzərdə tutulan dəyişikliklər "Azəriqaz"ın ləğvi və bazasında yeni qurumların yaradılması anlamı daşıyır?
- Qeyd etdiyiniz kimi bu məsələlər Azərbaycan Respublikası Prezidenti İlham Əliyevin bu gnü imzaladığı “Qaz təchizatı haqqında” 8 iyul 2025-ci il tarixli qanunun tətbiqi, bununla əlaqədar bəzi məsələlərin tənzimlənməsi barədə fərmanda öz əksini tapıb.
Fərmana əsasən, SOCAR qanuna uyğun olaraq, qazın nəqlini, paylanmasını, saxlanmasını, topdan satışını və idxalını, habelə pərakəndə satışını həyata keçirmək məqsədilə 2026-cı il yanvarın 1-nə qədər tabeliyində ayrı-ayrı hüquqi şəxslərin yaradılmasını, həmin hüquqi şəxslərdə mütərəqqi korporativ idarəetmə prinsiplərinin tətbiqini, o cümlədən onların müşahidə şuralarının yaradılmasını təmin edib dövlət başçısına məlumat verməlidir.
Əslində, bu məsələlər uzun müddətdir ki, gündəmdədir. Fərmanda göstərildiyi kimi, SOCAR qanuna uyğun olaraq, qazın nəqlini, paylanmasını, saxlanmasını, topdansatışını və idxalını, habelə pərakəndə satışını həyata keçirmək məqsədilə 2026-ci il yanvarın 1-nə qədər tabeliyində ayrı-ayrı hüquqi şəxslərin yaradılmasını, həmin hüquqi şəxslərdə mütərəqqi korporativ idarəetmə prinsiplərinin tətbiqini, o cümlədən onların müşahidə şuralarının yaradılmasını təmin edib dövlət başçısına məlumat verəcək. Hesab edirəm, bu strukturun yaradılması həm "Azəriqaz", həm də SOCAR-ın iqtisadi mənafeyinə uyğundur.
- Yəni, belə çıxır ki, yeni qurumlar "Azəriqaz"dan kənar yaradılacaq?
- Əlbəttə, struktur dəyişikliklərin mahiyyəti də elə bundadır: istehsal, satış, alqı, satqı və digər sahələr bir əldə cəmləşməsin. Ola bilər ki, "Azəriqaz" İstehsalat Birliyi başqa struktur formada saxlanılsın. Yəni, tam ləğv edilməsin, başqa səlahiyyətlərlə saxlanılsın...
