Məşhur Qarabağ qazisi yeni naziri biabır edib. "DİA-AZ" xəbər verir ki, bu məlumatı yayan GündəmXəbər.az saytı Qarabağ Qazisi Hacı Vəliyevin açıqlamasını təqdim edib. Açıqlamada deyilir:
"Yeni təyin edilmiş Əmək və Əhalinin Sosial Müdafiəsi naziri Anar Əliyevin atası, AMEA-nın Nizami Gəncəvi adına Ədəbiyyat İnstitutunun baş elmi işçisi, filologiya elmləri doktoru Rəhim Əliyev mətbuata bunları danışıb:
“Oğlum hazırda maliyyə naziri olan keçmiş əmək və əhalinin sosial müdafiəsi naziri Sahil Babayevlə birlikdə işləyib. Sahil Babayevin başına oyun açırdılar, gördükləri işlərin əleyhinə yazılar yazdırırdılar. Amma onlar öz bildikləri düz yolla getdilər və böyük işlər gördülər. Onlar nazirliyə gələndə pensiya 110 manat idi, indi minimum pensiya 320 manatdır. Bu nailiyyətdir, hamısı da nazirliyin daxili büdcəsi hesabına başa gəlib. Əmək və Əhalinin Sosial Müdafiəsi Nazirliyinin pulu camaatın puludur. O pullar gözbəbəyi kimi qorunmalıdır".
Əslində nazir A.Əliyevin atası Rəhim Əliyev bu açıqlaması ilə oğlu zehniyyətdə olduğunu göstərir və sonuncu cümləsi ilə hökuməti ifşa edir. Əvvəla sizin oğlunuz və keçmiş nazir Sahil Babayevin qanunsuz tapşırığı ilə illərdi əlillik pensiyası alan, sosial yardım alan 10 000- lə vətəndaşın müavinətini, haqqını kəsdilər, dilənçi günə saldılar. Xüsusi ilə 44 günlük Qarabağ-Vətən müharibəsindən sonra ümumi Qazilərə divan tutdular. Buna görə 1000-dən çox Qazi intihara cəhd etdi, 100-dən çoxu dünyasını dəyişdi.
Yoldaş nazir atası R.Əliyev buna görə xalq Sahil Babayevi və onun komandasını haqlı tənqid, bəzən də təhqir etdilər, edirlər. Bu işdə sizin oğlunuzun da payı çoxdu. Ailəlikcə yediyiniz haram pullar xalqın halal puludur, biləsiz!. Təbbi sərvətlərdən xalqa çatacaq pullar. Dediyiniz kimi xalqın pulu xalqa verilməlidir. Yoxsa xalqdan kəsilib xalqa verilməli deyil!!.
İkincisi siz deyirsiz ki, o pullar Əmək və Əhalinin Sosial Müdafiə Nazirliyinin pullarıdı. Burada hökuməti ifşa edirsiz. Deməli sizin dediyinizdən belə çıxır ki, sağlamlıq imkanları olmayan, şikəst, sosial yardıma ehtiyacı olan vətəndaşlardan kəsilərək toplanan pullar digər vətəndaşlara verilir. İlin əvvəlində büdcədən ƏƏSMN ayrılan pullar isə rəsmi deyilmiş?.
Hə, yoldaş Rəhim Əliyevə xatırladım ki, oğlu Anar Əliyevlə nazir müavini olan vaxtlarında Qazilərlə bir neçə dəfə görüşmüşük. “Əlilliyin müəyyən olunması meyarları"- haqqında qanunvericilikdən xəbəri yoxdur, bu sahədə savadı 0 altındadı. Bəlkə də başqa sahələrdə savadlı insandı."
