Ermənilər bu dəfə müğənni Rəqsanə İsmayılovanın repertuarında yer alan “İnanımmı” mahnısını oğurlayıblar. Mahnının sözləri Telli Pənahqızına, musiqisi isə Hikmət Aslanova məxsusdur.
Əməkdar jurnalist Telli Pənahqızı Moderator.az-a açıqlamasında bildirib ki, bu mahnı bir çox ölkələrdə sevilərək ifa olunur:
“Bu mahnını Rəqsanə xanım ifa edib. Özü də bilirsiz ki, onun ifasından sonra çox məşhurlaşdı. Ermənilər də götürüb ifa ediblər. Mən hara, kimə müraciət edim ki?! Üzr istəyirəm, onların sifəti o qədər sürtülüb ki, onlara heç nə təsir etmir. Heç bir şey! Dünən də bir erməni bloger canlı açıb özünü, millətini tərifləyirdi və deyirdi ki, “Qarabağ bizimdir, Qarabağda filan yerlər bizimdir”. Təsəvvür edirsiz, həmin yerlərin adını Azərbaycan sözləri ilə çəkir, sonra da deyir ki, filan torpaq bizimdir. Bunlar üçün sərhəd yoxdur. Mahnıları da oxuyanlar, özlərininki kimi təqdim edənlər həmin qəbildən olan insanlardır. Mən nə edə bilərəm? Sözün düzü bunu bilmirəm”
.
Əməkdar jurnalist deyir ki, onun mahnılarını çox müğənni oxuyub:
“Niyaməddin Musayev, Səyyad Əlizadə, Faiq Ağayev, Zeynəb Dostəliyeva və s. müğənnilər mənim sözlərimə yazılan mahnıları ifa ediblər. Onlardan sonra həmin mahnılara müraciət edən gənclər də oldu. Özü də icazəsiz. Nə icazə alan var, nə də qonorar verən kimsə yoxdur. Şeir yazmaq mən elə-belə oturub “şeir yazıram” demək deyil. Bu Allahın pıçıltısıdır. Bir də görürsən ki, yolda getdiyin yerdə, axşam yatmaq istədiyin yerdə beynin nəsə döyəcləyir. Bu ilahidən gəlir. Hərdən gəlir, hərdən yazıram. Bəziləri mahnıya uyğun olur, bəziləri yox. Amma çoxusunun içində mahnı ritmi var”.
VİDEO BURADA:
