Ötən gün qətlə yetirilən Ukrayna Ali Radasının sabiq spikeri, Avromaydanın liderlərindən biri Andrey Parubiy yarım il əvvəl özünə dövlət mühafizəsi verilməsi üçün müraciət etsə də rədd cavabı alıb.
APA UNİAN-a istinadən xəbər verir ki, bu barədə Dövlət Mühafizə İdarəsində bildirilib.
Qurumda qeyd ediblər ki, onlar vəzifələri yalnız qanunvericilik çərçivəsində icra ediblər və Parubiy dövlət mühafizəsi ilə təmin olunan vəzifəli şəxslərin siyahısına daxil deyildi.
Bundan əlavə, vəzifəli şəxslərin səlahiyyət müddəti başa çatdıqdan sonra onlara yalnız 1 il ərzində mühafizə verilir.
