Müğənni Nura Suri sosial şəbəkə hesabında sərt və bir qədər ironik paylaşım edib.

İfaçı insanlara etibar etməməyi, onların yalanlarını sakitcə izləməyi və mərhəməti heyvanlara yönəltməyi tövsiyə edib.

O qeyd edib ki, bəzi insanlar yalnız özlərini biabır etmək üçün zamana ehtiyac duyurlar:

“İnsanlara həmişə şans vermək lazımdır ki, özlərini sona qədər alçalda bilsinlər. Məsələn, biri sizə yalan danışanda, doğrunu bildiyiniz halda, inanırmış kimi davranın. Hər danışdıqlarını, bəhanə və yalanlarını bir kənara toplayın və onlara zaman verin. Yalan danışan insanların bəhanələri çox olur və bu bəhanələrdən onların nə qədər alçaq olduğunu görə biləcəksiniz”.

Müğənni bildirib ki, belə insanlara baş qoşmaq mənasızdır və onların səviyyəsinə enmək lazım deyil:

“Heç vaxt belə insanlara baş qoşmayın, onların səviyyəsinə enib nəsə sübut etməyə çalışmayın. Ancaq ara-sıra onlara dediklərini xatırladın və tamaşanı seyr edin.

Bəzən inanmadığınızı büruzə verin və şou başlasın. Əsəbləşdikdə, sizə əvvəllər yaltaqlanan, özünü mələk kimi göstərən adamın zibil dolu fikirləri ağızlarından tökülməyə başlayacaq.

İnsanları ciddiyə almayın, etibar etməyin və özünüzü onlardan qoruyun.

İçinizdəki mərhəməti heyvanlara yönəldin. Heyvanlar daha sadiq, daha vəfalı və daha dəyər biləndir”.

Yenisabah.az