RAMİZ MEHDİYEV RƏQİBLƏRİNİ ZƏİFLƏTMƏKLƏ MƏŞĞULDUR
DİA.AZ: - Məlum olduğu kimi, keçən ilin yanvar ayından start götürən antikorrupsiya tədbirləri çərçivəsində bir sıra məmurlar В«rasxodВ»a verildi və bundan sonra da anoloji islahatların həyata keçiriləcəyi söylənilir. Bildirilirdi ki, əsas kadr islahatları əslində fevral ayına nəzərdə tutulduğundan aralıq dövr kifayət qədər sakit keçəcək. Belə də oldu. Yalnız bir-iki icra başçısının yerdəyişməsindən başqa, elə bir ciddi tərpəniş müşahidə olunmadı.
Məlumatlı mənbələrin redaksiyamıza bildirdiyinə görə, hələ də yeniləşmə problemi yaşayan hakim komandanın tərkibində kiçik də olsa dəyişikliklərin baş verəcəyi qaçılmazdır. Bu barədə redaksiyamıza iqtidar yetktililərindən biri məlumat verib. Məlumat verən şəxs bildirdi ki, dəyişikliklər bu dafə də kardinal mahiyyət daşımayacaq. Xüsusilə də köhnə komanda üzvlərindən heç kimin vəzifədən atılacağı gözlənilmir. Hələ də YAP hakimiyyəti qocaların ehtiyacındadır. Bunu siyasi müxalifətin fəallığı və Yaxın Şərqdə cərəyan edən olaylarla birbaşa əlaqələndirən mənbəmiz qeyd etdi ki, yuxarılar köhnələrsiz keçinə bilmədiklərindən kardinal kadr islahatlarının ertələnməsi qərarı verilib: ««QaçqınkomВ»un sədri Əli Həsənovun öz ərizəsi ilə istefaya yollanacağı ilə bağlı plan hazırdır. Bir neçə icra başçısı da xırda korrupsiya faktlarına görə vəzifəsi ilə vidalaşacaq. Lakin ən böyük dəyişiklik çoxdan gözlənilən və bəlkə də tonlarla bu barədə yazılar yazılan Bakı Şəhər İcra Hakimiyyətinin başçısı Hacıbala Abutalıbovun işindən azad edlməsi olacaqВ» deyə həmsöhbətimiz bildirdi.
Onu da xatırladaq ki, prezident İlham Əliyevin son parlament seçkilərindən sonra bir sıra yüksək rütbəli məmurları tutduqları vəzifələrindən azad edəcəyi barədə verilən proqnozlar özünü doğrultmaqdadır. Artıq bəzi hökumət yetkililəri postlarından uzaqlaşdırılıb. Onlardan bir qismi başqa işə keçirilib, bir qismi isə hələ də audsayder vəziyyətinə düşüb.
Ekspertlərin fikrincə, ölkə başçısı köhnə komandanı nə qədər tez özündən uzaqlaşdıra bilsə, o qədər faydalı olar. Bu arada gəzən söhbətlərə görə daha bir məmur vəzifəsindən uzaqlaşdırılacaq. Artıq ölkə KİV-lərin xeyli bundan öncə növbəti hədəfin Bakı şəhər icra hakimiyyətinin başçısı Hacıbala Abutalıbov olduğunu yazıb.
Həmsöhbətimiz olan etibarlı mənbənin verdiyi məlumata görə, Bakı merinin vurulması reallaşmaqdadır. Onu əvəzləyən şəxsin kimliyi də təxmini məlumdur. Mənbənin dediyinə görə, H.Abutalıbovun yerinə prezidentin iqtisadi məsələlər üzrə müşaviri, əslən Naxçıvanın yeni yaradılmış Kəngərli rayonundan olan Əli Əsədovun təyin olunacağı gözlənilir. Hər halda, bu ad bir çoxları üçün sürpriz olacaq. Ən azından ona görə ki, bu vaxta qədər Bakı meri postuna ən şanslı aday olaraq Müdafiə Sənayesi Naziri Yavər Camalovun hazırda Şirvan rayonu İH başçısı postunu tutan qardaşı Mərdan Camalovun adı çəkilməkdə idi. Hər halda, Gəncənin sabiq meri Eldar Əzizovun Sumqayıta rəhbər göndərilməsindən sonra məhz onun əsas aday olduğu söylənilirdi.
İndi isə dövriyəyə yeni isim buraxılmaqla yanaşı, həm də bu ismin, yəni Əli Əsədovun bu posta təyinatının artıq həll olunduğu da söylənilir. Xatırladaq ki, müşavirin üç il əvvəl bağ evi naməlum şəxslər tərəfindən atəşə tutulmuşdu. Ehtimallara görə, bu hadisə ona xəbərdarlıq idi. Lakin bütün bunlara baxmayaraq Ə.Əsədov paytaxt merliyinə ən real namizəd hesab olunur.
Mənbə bu postu tutmaq üçün В«AzalВ»ın şefi Cahangir Əsgərovun yaxın adamlarından birinin də şanslı olduğunu bildirir. Bundan başqa bu post uğrunda Abşeron rayon icra hakimiyyətinin başçısı, kürd mafiyasının nümayəndəsi olaraq qəbul edilən Zakir Fərəcov da mübarizə aparır. Hətta onun öz yerinə həmyerlisi, keçmiş millət vəkili, Sumqayıtda В«pekarni TofiqВ» kimi tanınan Tofiq Hüsyenovu gətirmək istədiyi barədə artıq bəzi mətbuatda kifayət qədər yazılar yazılıb.
Lakin bütün bunlar hələ ki, rəsmiləşməyib. Mənbəmiz onu da bildirir ki, Hacıbala Abutlaıbov özü də vurulacağı ilə bağlı məlumatları qəbul edir. Artıq o hazırlıqlar da görür. Mənbə bildirir ki, Bakı merinin illərlə topladığı milyonlarını Azərbaycandan çıxarmasına mane olmaq üçün xüsusi xidmət orqanları ciddi nəzarət işləri həyata keçirirlər. Maraqlıdır ki, Bakı Şəhər İcra Hakimiyyətinin başçısının vurulması ilə bağlı informasiyalar hər dəfə ən müxtəlif ünvanlardan qəzetlərə ötürülür. Bəzən də bu informasiyalarda yeni merliyə namizədlər arasında ən müxtəlif şəxslərin adları çəkilir. Lakin qəzetlərdə H.Abutalıbovun vəzifəsindən atılması ilə bağlı məlumatların mütəmadi xarakterdə dərc edilməsi və namizədlərin adları ilə bağlı vahid ismin ortada olmaması da bir daha onu göstərir ki, bu potsa sahib olmaq istəyənlərin sayı kifayət qədər çoxdur. Dünən bizimlə söhbət edən iqtidar yetkilsi israrla merin dövrinin başa çatdığını bildirirdi. Həmçinin bu posta təyin ediləcək adıçəkilən şəxslərin heç biri ilə birbaşa münasibəti yoxdur. Bu baxımdan da kimlərin şəhər meri olması mənbəmiz üçün də heç də maraqlı deyil.
Bütün hallarda Hacıbala Abutalbıovun vurulmasını istəyənlərin kifayət qədər çox olduğu göz qabağındadır. Məlumatlı şəxslər deyir ki, artıq dövlət başçısı da BŞİH-nin başçısının vəzifəsindən atılması ilə bağlı siyasi qərarını açıqlayıb. Prezident paytaxtda həyata keçirilən abadlıq işlərinin qənaətbəxş olduğunu bildirsə də, yolların inşa edilməsində külli miqdarda yeyintilərə yol verilməsini bağışlaya bilmədiyini dedi. Maraqlıdır ki, istənilən halda cəmiyyəti narahat edən məmur dəyişikliklərindən biri artıq reallaşmaq üzgrədir. İstənilən halda Hacıbala Abutalıbovun vurulması köhnə komanda üzvlərinin vurulması mərhələsinin başlanğıcı kimi qiymətləndirilə bilər. Lakin bu dəyişikliklər dövlət başçısına hansı siyasi dvidentlər gətirəcək? Ümumiyyətlə prezident komandanın yeniləşdirilməsinə başlayacaqmı? Hər halda bu suallara müsbət cavab vermək kifayət qədər çətin məsələdir. Lakin nəhayət ki, yalandan görüntü yaradan və millətin sərvətini talayaraq yollarda, yollardakı dirəklərdə sovuran bir məmur yola salınır.
Onu da bildirək ki, Əli Əsədovun Bakı meri postuna gətirilməsi planının arxasında Prezident Administrasiyasının rəhbəri Ramiz Mehdiyevin dayandığı da söylənilir. Hər halda, bu məlumatın özü də maraqldıdır. Ona görə ki, əslində Ramiz Mehdiyev dünənə qədər Əli Əsədova əks qütbdə dayanan fiqur kimi xarakterizə olunub. İndi isə PA rəhbəri öz rəqibinə kömək edir… Hər halda, görüntüdə olanı budur.
Lakin mənbəmiz bunu tamam fərqli formada izahladı. Mötəbər mənbənin bildirdiyinə görə, əslində Ramiz Mehdiyev bu planı ilə Əli Əsədova heç də yaxşılıq etməyib: В«Əli Əsədov günü bu gün də Ramiz Mehdiyevdən sonra onun yerinə Ən şanslı namizəd hesab olunur, bundan əlavə, məhz bu səbəbdən Mehdiyevlə Əsədovun arasında hər zaman sərinlik yaşanıbВ».
Mənbəmizin sözlərinə görə, özündən sonrakı dönəm üçün PA rəhbəri postuna tamam fərqli bir ismi hazırlayan Ramiz Mehdiyev bəri başdan rəqiblərini sıradan çıxarır: В«Buna görə də daha böyük iddialarla yaşayan Əli Əsədovu əslində Bakı meriyasına В«sürgünə yollamaqВ» niyyətindədirВ».
