MİNDƏN ARTIQ ARDNŞ ƏMƏKDAŞI MAAŞ AZLIĞI SƏBƏBİNDƏN AYACA QALXIR
DİA.AZ: - Bir neçə gün əvvəl «Bos Shelf»in fəhlələri etiraz aksiyası keçirdilər. Təxminən 700-dən artıq şirkət çpalışanı əməkhaqqılarının artırılması tələbi ilə tətil edərək, işi dayandırdılar. İlk əvvəl bu barədə danışmaq istəməsələr də, sonradan «Bos Shelf» rəhbərliyi olaya müdaxilə edərək fəhlələrə müəyyən vədlər verdilər. Amma sonradan aydın oldu ki, fəhlələrin tələblərinin heç də hamısı haqlı hesab olunmayıb. Bu isə məlum istiqamətdə gərginlik ocağının qüvvədə qalması anlamını daşımış oldu.
DİA.AZ-a hökumət içindəki qaynaqlardan ötürülən informasiyalardan isə aydın olur ki, sanki hansısa sirli qüvvə bütün şirkətlərdə ciddi təbliğat aparır və bu dəfə «Bos Shelf» fəhlələrinin qaldırdığı eyni tələblərlə Dövlət Neft Şirkətinin «Neft Daşları»nda çalışan işçiləri, habelə ARDNŞ-ə aid bir sıra strukturların fəhlələri etiraz olaraq tətilə qərar veriblər. Mənbəmiz təxminən 1500 fəhlənin nəzərdə tutulan aksiyada iştirak edəcəyini bildirib.
Mənbəmiz bildirir ki, aprel ayının ilk ongünlüyünə təsadüf edəcək aksiyada maaşların artırılması, bir sıra sosial güzəştlər tələbi səsləndiriləcəksə də, bütün bu baş verənlərin sistemli şəkildə həyata keçirilməsi proseslərdə maraqlı qüvvələrin olmasından xəbər verməkdədir.
