Müğənni Nadir Qafarzadə həyat yoldaşı Sevinclə birlikdə Praqaya gedib. Lent.az-a açıqlama verən ifaçı bildirib ki, Praqada bir neçə gün qaldıqdan sonra Londona yola düşüb: “Şou-biznesin səs-küyündən başımı götürüb istirahətə gəlmişəm. Amma burda da məni sakit dincəlməyə qoymurlar. Həyat yoldaşımla birgə şəklimi paylaşıram, yazırlar: “Bəxtəvərlər”, “Toxun acdan nə xəbəri?”, “Görməmişlər”. Başa düşə bilmirəm ki, insanlarda niyə belə aqresiya var? Mən kiminsə pulu ilə istirahətə getmirəm. Hər bir şeyi öz halal zəhmətimlə edirəm. Ona görə də bəzi insanlar sosial şəbəkədə neqativ şərhlər yazıb, özlərini yormasınlar”.
