Masazır qəsəbəsi ərazisində son dövrlər qanunsuz tikililərin sayı artmaqda davam edir. Yerli sakinlərin sözlərinə görə, bəzi şəxslər heç bir rəsmi icazə və layihə sənədləri olmadan yaşayış evləri və obyektlər inşa edirlər. Bu isə həm şəhərsalma qaydalarının pozulmasına, həm də ərazidə infrastruktur problemlərinin yaranmasına səbəb olur.

Məlumata görə, tikintilərin bir qismi dövlət qurumlarından icazə alınmadan aparılır. Bu cür qanunsuz tikililər yolların, səkilərin və hətta bəzi hallarda yaşıllıq sahələrinin zəbt olunmasına gətirib çıxarır. Sakinlər bildirirlər ki, nəzarətin zəif olması səbəbindən tikinti işləri davam etdirilir.

Ekspertlər qeyd edir ki, qanunsuz tikililər gələcəkdə ciddi problemlərə yol aça bilər. Belə ki, tikililər təhlükəsizlik standartlarına uyğun olmadıqda insanların həyatı üçün risk yaradır və kommunal xətlərin düzgün qurulmasına mane olur.

Məsələ ilə bağlı sakinlər aidiyyəti qurumlara – xüsusilə Azərbaycan Respublikası Dövlət Şəhərsalma və Arxitektura Komitəsi və Fövqəladə Hallar Nazirliyi tərəfindən ərazidə nəzarətin gücləndirilməsini tələb edirlər. Onların fikrincə, qanunsuz tikililərə qarşı ciddi tədbirlər görülməlidir.Masazır qəsəbəsində fərdi yaşayış adı altında bina tikən Bəxtiyar müəllim görəsən Abşeron İH-dən və Azərbaycan Respublikası Dövlət Şəhərsalma və Arxirektura Komitəsindən-dən necə və hansı lahiyyə üçün sənəd alıb?

Bütün bunlar bir yana görəsən qazılan ərazidən torpaq hara daşınıb?

Araşdırmamız davam edir.