Siyəzən rayon sakini şəhid atası Əliyev Qüdrət Qabil oğlu tərəfindən əlaqədar qurum və şəxslərə ünvanlanan müraciətdə "Kapital Bank"dan giley olunur. "DİA-AZ" olaraq həmin müraciəti olduğu kimi təqdim edirik:

"Mən Siyəzən rayon sakini şəhid atası Əliyev Qüdrət Qabil oğlu mənə məxsus bank kartı vasitəsilə 19.02.2026 -cı il tarixində saat 21:13 radələrində Siyəzən rayonu ərazisində yerləşən ATM-dən kartımda 1078 azn olduğu halda 1000 (min) AZN məbləğində nağd pul vəsaiti çıxarmışam.

Lakin hesab çıxarışında həmin əməliyyat üzrə 1078 (min yetmiş səkkiz) AZN məxaric qeydə alınmışdır. Faktiki olaraq mənə 1000 AZN təqdim edilmiş, 78 AZN məbləğində vəsait isə tərəfimdən alınmamış və hesab qalığında da görünmür.

Bu barədə 20.02.2026 -ci tarixində Siyəzən rayon Kapital Bank filyalına müraciət etdim və məni sadəcə başdan etmək üçün bildirdilər ki “Siz birdəfəlik 1078 azn nağd pul çıxarmısız.”Qeyd edim ki ATM bankın mülkiyyətindədir və bankda elektron jurnal mövcuddur.Və onu da bildirim ki ATM insan olmadığı üçün onda texniki xətalar olur.Misal üçün pul sıxışması,kassada sayma xətası,texniki şəbəkə problemi v.s.Bütün bunları nəzərə almadan və araşdırma aparmadan vətəndaşı ən əsası da müştərini bu şəkildə başdan etmək qanun pozuntusu və bankın öz vəzifə borcunu faktiki olaraq icra etməməsidir.Əgər ATM həqiqətən 1000 AZN veribsə, amma qəbzdə 1078 azn göstəribsə bu sistem səhvidir və bankın balans uyğunlaşdırması zamanı aşkar edilə bilər.

Yuxarıda qeyd edilənləri nəzərə alaraq aşağıdakıların araşdırılmasını Sizdən xahiş edirəm.Qeyd etddiyim tarixdə əməliyyat üzrə ATM-in elektron jurnal (log) məlumatları araşdırılsın,Prosessinq mərkəzinin əməliyyat hesabatı yoxlanılsın və 78 AZN məbləğin hesabıma geri qaytarılması üçün tədbir görülsün..."