Daşnaksütyunun 135 illiyinə həsr olunmuş tədbirdə terrorçu təşkilatın Ermənistandakı nümayəndəsi, deputat İşxan Saqatelyan “alovlu” çıxış edib. Bu çıxış bir daha sübut edir ki, Daşnaksütyun erməni revanşistlərin şeytan yuvası kimi qalmaqda israrlıdır.

Musavat.com yekramos.org saytına istinadən xəbər verir ki, Saqatelyan çıxışında xain hesab etdikləri Nikol Paşinyanla yanaşı Azərbaycan və Türkiyəni əsas hədəf kimi göstərib.

“Daşnaksütyun keçmişi olan, bu günü yaşayan, gələcəyə baxan təşkilatdır. Bizim ideyalarımız bu gün hər zamankındən daha çox lazımdır, çünki Ermənistan taleyüklü seçimlə üz-üzədir və erməni kimliyi həm daxildən, həm də xaricdən sistemli hücumun hədəfinə çevrilib.biz bura təkcə keçmişə qiymət vermək üçün toplaşmamışıq. Biz burada, ilk növbədə, indi və gələcək haqqında danışmaq, həll yolları təklif etmək üçün buradayıq” deyə, Saqtelyan bildirib.

Saqatelyan deyib ki, Paşinyan ermıni xalqına yanlış seçim təqdim edir:

“Bizi inandırmağa çalışır ki, müstəqil Ermənistana sahib olmaq üçün biz Azərbaycanın qoyduğu sərhədləri, diktələri, şərtləri rəhbər tutmalıyıq.

Onların bizə təklif etdikləri sülh deyil, gücümüzün və bərpa potensialımızın bütün mənbələrinin sistematik şəkildə məhv edildiyi növbəti güzəştlər müqabilində atəşkəsdir. Təhlükəsizlik sistemimizi yenisi ilə əvəz etmək üçün yox, yeni təhlükələr yaratmaq üçün məhv edilir. Bizi Ermənistanın güclü ola biləcəyinə inanmağı dayandırmağa məcbur edirlər”.

Saqtelyan iddia edib ki, Azərbaycan və Türkiyə Ermənistanın məhdud silahlı qüvvələrə malik, iqtisadi və təhlükəsiz şəkildə onların iradəsindən asılı dövlətə çevirmək istəyirlər: “Hakimiyyət isə bu dəhşətli layihəni qanuniləşdirmək üçün xalqdan alət Türkiyə və Azərbaycanın təklof etdiyi düstur Nikol Paşinyanın partiyasının seçki platformasına, Ermənistan hakimiyyətinin “vizionuna” çevrilib”.

Saqtelyan deyib ki, Ermənistana qarşı planların qarşısını almaq üçün ümumerməni “Yox” cəbhəsi yaratmalıdırlar: “Mən demişəm və deyirəm: Ermənistanın müstəqilliyinə və suverenliyinə əsas təhlükə şəxsən Nikol Paşinyandır. Onun hakimiyyəti milli təhlükəsizlik məsələsidir”. Daşnak lideri deyib ki, indiki vəziyyətin alternativi var: “Amma əvvəlcə bu rejimin yenidən dəstək almasının qarşısını almalı, sonra Ermənistanın bərpası proqramına başlamalıyıq”.

Bəs daşnaqların alternativ dedikləri siyasət nədir? Daşnaqlar nə təklif edir? Saqtelyan Ermənistanı fəlakətə aparacaq “çıxış yollarını” belə ümumiləşdirib: “ Bizim bir missiyamız var - qüvvələri birləşdirmək, inamı bərpa etmək və güclü Ermənistan qurmaq. Sülh içində yaşayan, lakin özünü müdafiə etməyə hazır Ermənistan. Milli maraqları rəhbər tutan və xalqının kollektiv hüquqlarına sahib olan Ermənistan.

Gücünə arxayın olan, tarixi ilə fəxr edən və gələcəyinə qərarlı olan Ermənistan. Ədalət, ləyaqətli həyat və milli kimlik üzərində qurulmuş Ermənistan. Güclü Ermənistan təhlükəsiz Ermənistan deməkdir”.

Daşnaklar sülhə qarşı olduqlarını gizlətməyiblər. “Təhlükəsizliyi təmin etməyə qadir ordu yaratmaqla Artsaxa qayıdış hüququ bərpa edilməlidir. Güclü Ermənistan erməni maraqlarına əsaslanan xarici siyasət deməkdir, burada Ermənistan öz mövqeyini təslim edən və ya əlavəyə çevrilən deyil, qərar qəbul edən qurumdur. Ermənistan “reallıqla barışan” dövlət deyil, reallıq yaradan dövlət olmalıdır. Alternativimiz tamamilə aydındır: məğlubiyyəti ölüm hökmü kimi qəbul etməyən xalq, həyati maraqlarını təslim etməyən dövlət”.

Saqatelyan bəyan edib ki, Paşinyanı hakimiyyətdən uzqalaşdırmaq üçün “daşnakların Paşinyan rejiminin hakimiyyətdə qalmasının qarşısını almaq üçün iradə və qətiyyəti var.

Yada salaq ki, Erməni İnqilabi Federasiyası- Daşnaksutyun (digər adı "Erməni inqilabi ittifaqı") ən iri və mütəşəkkil erməni terorunu dəstəkləyən siyasi təşkilatlarından biridir. 1890-cı ildə Tiflisdə yaradılıb. Erməni diasporunun olduğu bütün ölkələrdə büroları fəaliyyət göstərir. Hazırkı ali şura sədri İşxan Sağatelyandır.