Rusiya Qarabağdan könüllü köçən ermənilərə "Rusiya səninlədir" adı altında 140 ton yardım göndərib. Rusiya avqust ayı ərzində Qarabağdan köçən ermənilərə müntəzəm yardımlar edəcək. Göründüyü kimi, Moskva "Rusiya səni unutmayıb"- kimi şüarlarla Qarabağ məsələsini gündəmdə saxlayır və bunu Azərbaycana qarşı təzyiq etmək üçün istifadə edir.

Qeyd edim ki, Ermənistan hökuməti Qarabağdan köçən ermənilərə vətəndaşlıq və iş verir. Artıq Ermənistan hakimiyyəti Qarabağ erməniləri ifadəsindən imtina edir. Amma, Rusiya bu siyasətindən imtina etmək istəmir. Bununla Ermənistanın daxili siyasətinə qarışır. Rusiya bu yolla Qarabağ ermənilərinin geri qayıtması üçün yeni bir kampaniyaya başladacaq. Həmçinin Qarabağdan köçən ermənilərin yenidən qondarma hakimiyyətini qurmaği planlaşdırır.

Ermənistan hakimiyyəti Rusiyanın bu oyunlarına imkan verərsə, Qarabağdan köçən ermənilər birinci N. Paşinyana qarşı olacaqlar. Rusiya Ermənistan daxilində yeni separatçı ocağı yaradıb, Azərbaycanı təhdid etməyi planlaşdırır. Bununla iki ölkə arasında sülh prosesini pozmağı planlaşdırır. Azərbaycan Ermənistan hökumətindən Rusiyanın Qarabağdan köçən ermənilər üzərindən siyasi oyun qurmasına imkan verməməsini tələb etməlidir. Artıq Rusiya Qarabağı tərk etmiş ermənilərin şəxsi məlumatlarını toplamağa başlayıb. “Rossotrudniçestvo”nun Ermənistandakı nümayəndəliyi Qarabağı könüllü tərk edən vətəndaşların şəxsi məlumatlarını toplayır.

Erməni hökumətindəki mənbələrin məlumatına görə, insanlardan pasport, doğum şəhadətnaməsi və digər sənədlərin surətlərini təqdim etmələri tələb olunur.
Azərbaycan və Ermənistan arasında sülh müqaviləsi bağlandıqdan sonra da, Rusiya Qarabağ mövzusundan imtina etməyəcək.

Siyasi şərhçi Məhəmməd Əsədullazadə,

Sitat.info