"""Həmkarlar" da (AHİK) endirim fırıldağı edir? İnanmaq istəmirəm, amma elə görünür".
Mia.az xəbər verir ki, bu sözləri CBC kanalının sabiq əməkdaşı Fərəh Sabirqızı feysbuk-dakı səhifəsində yazıb.
Onun sözlərinə görə, "Qusar Park Hill" otel üçün ailəvi seçim verməyib, otaqlar 2 nəfərlik imiş: "Qidalanma da bir dəfə. Tamam, 2 nəfərlik putyovka üçün müraciət qoydum, göstərdi ki real çöldən çölə qiymət 680 manatdır, amma bizə 85 faiz endirimlə 102 manat verir. Burası əla. (Yoldaşım müharibə veteranı olduğuna görə endirim daha çoxdur)
Amma Booking-də eyni otel eyni tarixlər, eyni 2 nəfər, eyni 1 dəfəlik qidalanma çöldən çölə qiyməti 680 yox, 310 manat göstərir axı... Hətta o qiymətlə bron da elədim... Demək belə çıxır ki, bəzi brend mağazalar kimi AHİK də qiyməti əvvəlcə süni qaldırıb sonra endirim edir? Niyə axı? Elə real 30-50 faiz endirim kimi göstərilsin də. Bəlkə nəsə ayrı bir açıqlaması var?
Ümumiyyətlə AHİK ilə bahalı istirahət mərkəzlərinə ucuz putyovka ala bilən olubsa, halaldır. Mən yoldaşımın veteranlıq vəsiqəsin, əlillik kağızını, 4 medalının şəklini və s. hamısını ərinmədən sistemə yükləsəm də, bizə yer çatmadı. 3 həftə gözləyib, gözləyib imtina aldıq. Həmin vaxta qədər də sistemdə daha demək olar seçim qalmadı...".
