Azərbaycanin iri şirkətləri və bankları işçilərin feysbukdakı davranışına nəzarət edir
Azərbaycanda sosial şəbəkələrin getdikcə daha çox populyarlaşması və insanların həyatında mühüm yer tutması biznes sektorunda da özünü göstərib. Artıq iri şirkətlər və banklarda işçilərin feysbukdakı davranışına da nəzarət edilir, onların nə paylaşdıqları, eləcə də ayrı-ayrı məsələlərə münasibəti izlənilir. Bu barədə ölkənin aparıcı banklarından və sığorta şirkətlərindən bildirilib.
В«EhtiyatsızВ» status
Qeyd edək ki, feysbuk nəzarəti geniş kütlələrlə işləyən qurumlarda xüsusilə ciddidir. Belə ki, hər hansı əməkdaş şirkət rəhbərliyini qane etməyən status paylaşarsa, ona dərhal xəbərdarlıq edilir. Fins.az-ın məlumatına görə, söhbət əsasən rəqib şirkətin hər hansı məhsulunun və yaxud yeni xidmətinin reklam edilməsindən, rəqiblərin yenilikləri barədə xəbər saytlarından keçidlərin paylaşılmasından gedir.
В«Sən kimi reklam edirsən? Onda maaşını da onlardan alarsan!В»
Fins.az-ın əməkdaşı ötən gün təsadüfən feysbukda belə halın şahidi olub. Bank əməkdaşlarından biri başqa banka məxsus yeniliyi bölüşərkən, yəni В«reklam edərkənВ» öz iş yoldaşının В«qəzəbinə gəlibВ». Bankda daha yüksək vəzifə tutduğu hiss olunan istifadəçi dərhal iş yoldaşına irad tutub, onu rəqib bankın məhsulunu reklam etməkdə günahlandırıb, hətta В«söhbəti sabah işdə davam etdirəcəkləriniВ» bildirib. Vəziyyəti belə görən əməkdaş dərhal В«reklamВ» statusunu silməli olub.
Feysbuk artıq şəxsi məsələ deyilmiş
Məsələnin maraqlı tərəfi ondadır ki, əməkdaşların feysbukdakı davranışlarına təkcə iş vaxtı yox, işdən sonra da nəzarət edilir. Baxmayaraq ki, feysbuk profili şəxsidir və formal olaraq hər kəs buradakı fəaliyyətində azaddır. Amma reallıqda vəziyyət başqadır – iri şirkətlər işçilərinin statuslarına gecə-gündüz nəzarət etməkdən və В«ehtiyatsız hərəkətlərВ» olduqda irad tutmaqdan çəkinmirlər.
В«İşlədiyi yerin marağını nəzərə almalıdırВ»
İşgüzar dairələrdə hesab edirlər ki, kimsə hansısa şirkətdə işləyirsə, hətta sosial şəbəkədə belə, bu şirkətin biznes maraqlarını nəzərə almalı, lazımsız yerə heç kimi reklam etməməlidir. В«Təbii ki, bizim əməkdaşımız feysbukda başqa bankı reklam edə bilməz. Çünki burda söhbət rəqibin geniş kütləyə reklam edilməsindən gedirВ» - deyə bankların birindən fins.az-a bildirilib.
Məsələ təkcə feysbukla bitmir. Bir qədər əvvəl banklardan birinin rəhbərliyi televiziya kanallarına müsahibə verən əməkdaşına ciddi irad tutub. Səbəbi o olub ki, o müsahibə verərkən, arxa fonda başqa bankın reklamı olub. Bankda bildirirlər ki, eyni iradlar feysbuk profilindəki statuslarda bağlı da tutula bilər.
İşini dəyişmək üçün hazırlıq
Bəzi şirkətlərdə hesab edirlər ki, işçinin sosial şəbəkələrdə rəqib kompaniyanı reklam etməsi və ya ona simpatiyasını bildirməsi işi tərk etmək üçün hazırlıq ola bilər. Ölkənin aparıcı banklarından birinin Marketinq departamentinin rəhbəri fins.az-a bildirib ki, В«əgər bizim işçimiz feysbukda başqa bir bankın məhsulunu reklam edirsə, istər-istəməz fikirləşirik ki, görəsən əməkdaşın nə marağı var, çağırıb bunun səbəbini soruşuruq, xəbərdarlıq edirikВ».
Amma bu, bütün məlumatlara aid deyil: В«Tutaq ki, hansısa bank əməkdaşı rəqib bankın rəhbərinin dəyişməsi xəbərini paylaşırsa, buna bir söz demirikВ».
Sığortaçılar nisbətən В«insaflıВ»dırlar
Sığorta şirkətlərində isə məsələyə bir qədər fərqli yanaşırlar. Ölkənin böyük sığortaçılarından birinin İdarə Heyətinin sədr müavini hesab edir ki, əgər əməkdaş şirkətdə olmayan məhsulu və yaxud xidməti reklam edirsə, problem yoxdur: В«Bizdə olmayan hansısa məhsulu reklam edirsə, o halda biz söz demirik. Çünki istənidən halda sığorta sahəsi reklam olunur və bunun faydasını dolayısı yolla biz də görəcəyikВ».
Amma şirkətin əməkdaşı başqa sığorta şirkətinin analoji məhsulunu reklam edirsə, ona ciddi xəbərdarlıq olunur: В«Deyirik ki, özümüzdə həmin məhsuldan var, istəyirsənsə, elə onu reklam edə bilərsən. Belə işçiyə qarşı müəyyən tədbirlər görülür, ən azı danlanırВ».
В«Bilirik ki, qanuni deyil, amma bu biznesdirВ»
Yeri gəlmişkən, şirkətlər çox gözəl anlayırlar ki, işçilərinin şəbəkədəki fəaliyətinə qarışmaq şəxsi məsələyə qarışmaq qədər qanunsuzdur. Fins.az-a açıqlamalarında bu özləri də etiraf edirlər. Amma eyni zamanda vurğulayırlar ki, biznes maraqları olan yerdə belə məsələlərdə qətiyən güzəşt ola bilməz: В«Doğrudur, qanunla, Əmək Məcəlləsi ilə belə bir məhdudiyyət yoxdur və feysbuk profili şəxsi məsələ sayılır, amma biznes etikası baxımından bu düzgün sayılmırВ». Bəzi şirkətlər isə bunu sadəcə iş yerinə В«hörmətlə yanaşmaqВ» adlandırırlar: В«Bu məsələ əmək qanunvericiliyi ilə tənzimlənmir. Sadəcə yaxşı olaraq ki, işlədiyin yerə hörmətlə yanaşasanВ». Bir sözlə, qanunvericilik bu məsələdə işçilərin tərəfində olsa da, yazılmamış qanunlar onları feysbukdada ehtiyatlı olmağa vadar edir.
fins.az
