Bir neçə gün əvvəl В«AzərpoçtВ» MMC-də baş vermiş dəhşətli korrupsiya halları barədə məlumat vermişdik. Həmin məlumatda onlarla poçt şöbəsinin özəlləşdirilərək, talan edildiyi, ayrı-ayrı şəxslərə hədiyyə verildiyi vurğulanırdı. İkinci yazımızda isə bu talançılığın yeni detalları barədə geniş bilgi verməyə çalışacağıq.
Sübhan Kazımova 12 min manatlıq ittiham
Ötən yazımızda bu yaxınlarda həbs olunmuş direktor Qəmbər Bəybalayevin səlahiyyətlərini icra edən Sübhan Kazımov barədə qısa məlumat vermişdik. Bildirmişdik ki, bu şəxs baş nazirin birinci müavini Əli Əhmədovun bacısı oğludur və adı bir çox qalmaqallı məsələlərdə keçir.
JAM.AZ xəbər verir ki, В«AzərpoçtВ» MMC-nin direktor müavini olan Kazımov 01.04.1966-cı ildə Ermənistan Respublikasının Basarkeçər rayonunun, Dərə kəndində anadan olub. 1983-1990-cı illərdə Çingiz İldrım adına Azərbaycan Politexnik İnstitutunun elektron hesablayıcı maşınları ixtisası üzrə hesablama fakultəsinin əyani şöbəsində təhsil alıb. 1991-ci ildən işləyib. 1992-1993-ci ildə "Proqress" firmasında sex rəisi, Baş direktor, 1993-1998-ci illərdə BMQ zavodunda baş mexanik, 1998-2002-ci illərdə "Alo İnform" şirkətində Texniki şöbənin rəisi vəzifələrərində çalışıb. 09.10.2002-ci ildən "Azərpoçt" MMC-də Texniki şöbənin rəisi, 07.07.2004-cü ildən hal-hazıradək "Azərpoçt" MMC-nin Baş direktor müavini vəzifəsində çalışır. 04.12.2012-ci ildə RİTN-nin 300 saylı əmrinə əsasən "Rabitə Ustası" adına layiq görülmüşdür.
Maraqlı məqamlardan biri odur ki, Sübhan Kazımov MMC-də həddindən artıq sərbəst adam olub. Hətta onun Qəmbər Bəybalayevin sözünə belə qulaq asmadığı deyilir. İddia olunur ki, rayon poçt şöbələrinə kadrların təyin edilməsi də məhz onluq məsələlər sırasındaymış. Məsələn, oxucularımızdan biri yazır ki, Zərdab rayon Poçtunun yeni müdiri olan Romil adlı şəxsin diplomu saxta olsa da, Sübhan Kazımov onu işə götürüb. Prose sisə bir ay bundan əvvəl baş verib. Rayon sakini iddia edir ki, Romilin özünün dediyinə görə, o, bu istəyinə çatmaq üçün В«AzərpoçtВ» direktorunun müavininə 12 min manat pul verib. Səbəbi isə Qəmbər Bəybalayevin onun əmrini vermək niyyətində olmaması olub.
Poçt Şöbələri niyə satılıb?
JAM.AZ-ın araşdırmalarına görə, В«AzərpoçtВ»un təkcə Bakı şəhərində 100-dən artıq şöbəsi fəaliyyət göstərir. Onların hansı keyfiyyətlə fəaliyyət göstərdiklərini bizim deməyimiz doğru olmazdı. Çünki bu barədə rəyi elə əhali verməlidir.
Lakin sovet dövründə əksər binaların birinci mərtəbəsini başdan başa əhatə edən poçt şöbələrinin çoxunun ərazisi ya satılıb, ya da kiçilərək balaca bir otağa çığdırılıb. JAM.AZ-ın bununla bağlı apardığı araşdırma zamanı isə ortaya dəhşətli faktlar çıxıb.
Məlum olub ki, Bakıdakı əksər poçt şöbələrinin yerləşdiyi ərazilər özəlləşdirmə adı ilə ayrı-ayrı şəxslərə satılıb. Ərazisi 500-600 kv.m olan bu şöbələrin kiçilərək 40 kv.m-ə sığdırılması isə olduqca qəribə olaydır.
Misal olaraq, Nərimanov rayonu ərazisində yerləşən 52 saylı Poçt Şöbəsinin ərazisi tamamilə satılıb. Həmin şöbə hazırda 40 kvadratlıq bir məkana sığdırılıb.
Bir başqa misal kimi, Həzi Aslanov metrosunun yaxınlığında yerləşən 129 saylı Poçt Şöbəsinin də sahəsi satışa çıxarılıb və onlara da kiçik yer verməklə kifayətləniblər.
Biləcəridəki şöbələr necə В«əridilibВ»?
Redaksiyamıza daxil olan məlumatlara görə, ən dəhşətli durum Binəqədi rayonunda yaşanıb. Burada özəlləşdirmə adı ilə bütün yerli Poçt Şöbələri satılıb. Hətta bir çoxlarını birləşdirərək, zirzəmilərdə məskunlaşdırıblar.
JAM.AZ-ın dəqiqləşdirmələrinə görə, Biləcəri qəsəbəsində yerləşən 125 və 147 saylı Poçt Şöbələrini bütünlüklə satıblar. 6 otaqlı mənzildən ibarət olan bu şöəbələri sonradan birləşdirib, zirzəmiyə yerləşdiriblər. Hazırda da qəsəbədəki zirzəmilərdən birində fəaliyyət göstərir.
Və ya 124 saylı Poçt Şöbəsinin sahəsi də satılıb. В«AzərpoçtВ» rəhbərliyi tərəfindən satılan həmin şöbənin ümumi sahəsi 300-400 kv.metr olsa da, hazırda onu 30 kv.metrlik bir otağa sığdırıblar.
В«AzərpoçtВ»un Səbayeldə birabırçılığı
Doğrusu, bu məlumatlarla qarşılaşdıqda bir çox hallarda insana utanc hissləri gəlir. Ona görə ki, dövlətin əmlakını bu şəkildə talamaq, məhv etmək, sıradan çıxarmağı heç kim etməzdi ki, В«AzərpoçtВ» rəhbərliyi edib. İndi təqdim edəcəyimiz faktdan sonra yəqin ki, əksəriyyətiniz yazdığımız fikirlə razılaşacaqsınız.
JAM.AZ-ın araşdırmaları zamanı dəqiqləşib ki, Səbayel rayonu ərazisində yerləşən 5 saylı Poçt Şöbəsinin (MUM-un yanında) binası Akif Əlibekov adlı şəxsin adına özəlləşdirilib. Bu şəxsin konkret olaraq kimliyi barədə bizdə bilgilər mövcud deyil. Amma önəmli olan bu obyektin kimin adına özəlləşdirildiyi deyil, В«AzərpoçtВ» rəhbərliyinin özəlləşdirmədən sonra çıxardığı hoqqadır.
Belə ki, Akif Əlibekov özəlləşdirdiyi həmin şöbənin ərazisi təqribən 150 kv. metr olub. Onun hazırda böyük bir qismində özünə dükan açıb və işlədir. Amma bir qism hissəsini isə yenidən В«AzərpoçtВ»a icarəyə verib. Özü də kiçik qiymətə deyil, aylıq 4000 manata.
Qeyd edək ki, bu açıq şəkildə biabırçılıqdır. В«AzərpoçtВ» rəhbərliyi dövlətin əmlakını satmaqla kifayətlənməyib, üstəlik, əldə etdiyi qaxancı talamağın da yeni metodunu tapıb. Böyük ehtimalla, Korrupsiyaya Qarşı Mübarizə Baş İdarəsinin bu qurumda apardığı araşdırma daha ciddi faktların üzə çıxmasına səbəb olacaq. Hətta bununla əlaqədar xeyli sayda həbslərin olacağı da istisna edilmir.
Qarşı tərəfin də mövqeyini dərc etməyə hazırıq.
