İran Silahlı Qüvvələri ABŞ tərəfindən yeni hücumların həyata keçiriləcəyi təqdirdə regiondakı hədəflərə qarşı genişmiqyaslı əməliyyatlara başlayacağını bəyan edib.
Teleqraf xəbər verir ki, bu barədə İran Silahlı Qüvvələrinin "Xatəm əl-Ənbiya" Mərkəzi Qərargahının açıqlamasında bildirilib.
Bəyanatda qeyd olunub ki, İran İslam Respublikası yenidən hücuma məruz qalarsa, buna cavab olaraq regiondakı hədəflərə qarşı kütləvi və genişmiqyaslı zərbələr endiriləcək.
"Qanunsuz ABŞ ordusu bilməlidir ki, İran İslam Respublikası yenidən hücuma məruz qalarsa, bunun ardınca regiondakı hədəflərə qarşı kütləvi və genişmiqyaslı hücumlar həyata keçiriləcək", - deyə açıqlamada vurğulanıb.
Qeyd edək ki, bundan əvvəl ABŞ Silahlı Qüvvələrinin Mərkəzi Komandanlığı (CENTCOM) Hörmüz boğazı üzərində ABŞ-yə məxsus "Apache" helikopterinin vurulmasından sonra İran ərazisindəki hədəflərə zərbələr endirdiyini açıqlamışdı.
Daha sonra İran İslam İnqilabı Keşikçiləri Korpusu (SEPAH) ABŞ-nin Yaxın Şərqdə yerləşən hərbi bazalarına qarşı bir neçə hücum həyata keçirdiyini bildirmişdi.
