"Xəbərlərdə oxudum ki, Özbəkistandan gəlib burada "müalicə" ilə məşğul olan bir "həkim" saxlanılıb - insanların üzünə, ağrıyan yerinə tüpürməklə, arada şillə-təpik vurmaqla, bağırıb-çığırmaqla "müalicə" edirmiş..." "DİA-AZ" xəbər verir ki, bunu özünün sosial şəbəkə hesabında ReAL Partiyasının sədri Natiq Cəfərli qeyd edib.
O daha sonra bildirir: "Deyilənə görə yüzlərlə adam onun qəbuluna düşmək üçün hər gün növbəyə düzülürmüş, hər xəstədən 60 manat alırmış.
Belə baxanda tək onu niyə saxlayıblar ki?! Onun yanına gedənləri, gedənlərin oxudiğu məktəbin direkturunu, Misir Mərdanovu, indiki naziri, TV lərdə insanların beyinlərini yuyanları - hamısını 60 manat cərimə etmək lazımdır.
Üzünə tüpürəndə sağalacağına inananlar varmış, nə bilim vallah..."
