. 

"Sənəddə müttəfiq olan və indiyə qədər Azərbaycan tərəfdən bütün üzərinə düşən vəzifələri, hüquqları ilə seçilən ölkəmizin mövqeyi Rusiya ilə tamamilə fərqli aspektlərdədir".

Bu sözləri Redaktor.az-a açıqlamasında deputat Vüqar İskəndərov AZAL-ın təyyarəsinin rus hərbçiləri tərəfindən vurulmasını iddia edən səs yazısı haqqında danışarkən bildirdi.

Onun sözlərinə görə, Rusiyada baş verən hadisələr bir daha göstərdi ki, psixoz bir vəziyyət var, xalq gələcəyə ümidlə baxmır:

"Bunun müvəqqəti də olsa, qarşısını almaq üçün Rusiyada yaşayan qeyri-rus millətinə qarşı olan repressiv rəftarı yalnız təəssüf doğurur. Dekabr ayında AZAL-ın təyyarəsinin vurulması və bununla bağlı Azərbaycan tərəfinin tələbləri təəssüflər olsun ki, hələ də Rusiya tərəfindən gözardına alınmaqdadır. Bu cinayətdə əli olan insanlar təcili günah məhkəməsinə cəlb edilməlidirlər".

Millət vəkili qeyd etdi ki, məsələ konkret aydındır.

"Mülki təyyarəmiz rus hərbiçiləri tərəfindən vurulub, bu həm hərbi, həm də insani cinayətdir. Bu cinayətdə əli olan hamı təxirəsalınmaz şəkildə həbs edilməli və bununla bağlı Rusiya tərəfi rəsmi izahat verməlidir. Vurulma əmri verilən səs yazısının artıq əlimizdə olması bir daha göstərir ki, bu hadisə bilərəkdən törədilib. Rusiya Fedarasiyası üzərinə düşən öhdəlikləri yerinə yetirməlidir", - deyə Milli Məclisin üzvü bildirdi.